Greinin sem Mogginn vildi ekki birta löngu fyrir hrun bankanna.

Jæja ég læt undan miklum þrýstingi, hér er greinin sem fékkst ekki birt í Mogganum, löngu fyrir hrun Íslands. Þær eru margar sem ég hef ekki fengið birtar, sérstaklega í Fréttablaðinu. Ritstjórar blaðanna hafa verið svo hræddir við að nefna nöfn forkólfa viðskiptalífisins á nafn. Þeir hafa stjórnað umræðunni um sig sjálfir þar til núna. Þessi undirlægjuháttur ritstjóra blaðanna við auðmenn þjóðarinnar hefur villt almenningi sýn um innræti og hugsunarháttinn sem keyrði þessa þjóð í kaf. Hinsvegar tókst óreiðumönnum að draga saklaust fólk á ógeðslegan hátt inn í dómsmál sem núverandi ritstjóri Moggans taldi ekki þjóna hag blaðsins að skrifa um.

Ástæðurnar jú eins og fyrri daginn. Óttinn við vald peninganna.

Þessi grein er skrifuð í júní  og eftir grein sem birtist í Herðubreið. Ég fékk þessa grein ekki birta. Ritstjórinn taldi vont fyrir mig að vera að eltast við þetta mál. Það væri komin niðurstaða í það !!

En vegna áskorunar læt ég greinina flakka.

Herðubreið er tímarit og þar hafa birst ótrúlegar greinar, þvælugreinar, og Samfylkingarfólki til skammar, enda flokkurinn rúinn trausti.(hér er greinin)

 

Upphaf Baugsmálsins

Svar til Hallgríms Helgasonar, Karls Th  Birgissonar og þeirra nafnlausu sem skrifa nú Íslandssögu síðari tíma um upphaf Baugsmálsins

Upphaf Baugsmálsins má rekja til mín. Ég reyndi ítrekað í tölvupóstum til Jóns Ásgeirs, Tryggva og Jóhannesar að fá þá til þess að standa við umsamda samninga sem ég sá og heyrði að gerðir voru við vin okkar Jón Gerald Sullenberger, sem lagt hafði allt sitt undir til þess að starfa engöngu fyrir Baug/Aðföng (heildsala í eigu Baugsmanna)
Mér var sagt á mjög svo ósmekklegan hátt að skipta mér ekki af Baugi auk þess sem mér var bent á það af Tryggva Jónssyni að Baugur kæmi Jóhannesi ekki við og hvað þá mér.
Ég reyndi í marga mánuði að aðstoða Jón Gerald því ég vissi að allir samningar höfðu verið sviknir. Jafnframt vissi ég af samtölum, uppgjörum og tölvupóstum til Jóhannesar, sem hann bað mig að opna fyrir sig, að Baugur var í vondum málum á flestum vígstöðvum. Þau mál verða ekki rakin hér enda sjá aðrir um að rannsaka þau mál.

Ég  sá að aðförin var ekki engöngu að mér og Jóni Geraldi á þessum tíma heldur að fjölda fólks, stjórnvöldum, eftirlitsstofnunum og svo almennings í blekkingarleik um “lægsta verðið”.

Ég var gáttuð en jafnframt ráðþrota. Siðferðilega var það rangt af mér að segja ekkert eins og Hallgrímur Helgason stuðningsmaður Baugs og Samfylkingarinnar bendir á í grein sinni í Fréttablaðinu 22 mars.
 “Okkur ber öllum skilda til að segja sannleikann um það þjóðfélag sem við byggjum. Heilsa þess veltur á því að við horfum ekki framhjá þeim illu veirum sem á það erja heldur göngum í að einangra þær”.

 Einmitt það var ég að gera þegar ég leitaði ráða fjölda einstaklinga vegna þess sem ég sá að verið var að gerast. Ræna heilu samfélagi með aðstoð ákveðinni bankaforkólfa.

Jón Gerald fékk lögmann með aðstoð Styrmis. Jón Steinar sá til þess að gögn voru lögð í hendur ríkislögreglustjóra sem fékk heimild héraðsdómara fyrir rannsókn á fyrirtækinu.
Styrmir og ég komu þar hvergi nærri en auðvitað vissum við bæði og höfðum undir höndum alvarleg gögn um aðferðafræðina.

Styrmir ákvað hinsvegar að skrifa ekki um málið í Mogganum og vorum við þar óssammál. Ég vildi að talað yrði við Jim Schafer sem logið var uppá í fréttum RÚV vegna þess að hann neitaði að  staðfesta logið ársuppgjör Bonus Dollarstores. Það átti að klára hann en í staðinn fékk hann þagnarsamning upp á 200 milljónir.

Jón Gerald fékk einnig þagnarsamning upp á svipaða upphæð.

Bjóða átti Davíð þagnarsamning.

Sumir tala einfaldlega með buddunni sinni Hallgrímur og Karl Th og menn sem taka að sér að ljúga fyrir peninga upp á þá sem hafa samfélagsvitund og vilja réttlæti, er vorkunn.

Herðubreið, Samfylkingar er afvegaleidd af PR mönnum Baugs sem sitja bæði í Viðskiptaráðuneytinu, Hjálmar Blöndal og í Iðnaðarráðuneytinu  Einar Kr Haraldsson

Gott hjá Mogganum. Jón Ásgeir mætir í vinnuna. Loksins !

Það er gott hjá Mogganum að brjóta reglur um lengd greina fyrir Jón Ásgeir. Það er gott hjá ritstjóranum að heimila Jóni Ásgeiri að útskýra fyrir okkur hvað gerðist í raun. Maður andar létter að vita vissu sína nú loksins.

Ritstjórinn skrifaði mér bréf löngu fyrir hrun bankanna og endursendi mér grein um aðkomu mína að Baugsmálinu. Hann sagði þá að allir væru hundleiðir á þessu máli. Ég geymi bara þá grein en orð ritstjórans voru svona eins og rassskelling um að hætta nú að skipta mér af þessu máli. Það var óþægilegt fyrir nýjan ritstjóra að "pönkast" á Baugsmönnum.

En ég fagna því að ritstjórinn heldur ekki í íhaldsama hefðir blaðsins og ég fagna því einnig að Jón Ásgeir ætlar að fara að mæta í vinnuna. Hann er hörkuduglegur og þjóðin þarfnast krafta hans !

Það er vonandi runnið upp ljós fyrir útrásarvíkingana að fólk þarf að vinna fyrir peningunum sínum !

Jón Ásgeir tekur dóma nærri sér

Þarftu að taka lyfin þín ?

Það er nú ákveðið meðal-hóf sem gæti sparað þjóðinni milljónahundruðin ef læknar fengjust til þess að endurmeta lyfjanotkun sjúklinga oftar en gert er. Það virðist ódýr leið að lækna allt með lyfjum en hún er að sliga heilbrigðiskerfið svo dýr eru lyfin sem þjóðin mylur.

Það er reynsla mín að í allt of mörgum tilfellum er fólk sett á lyf að óþörfu. Í öðrum tilfellum eru lyfin auðvitað blessun gegn sjúkdómum og það ber að virða.

Ég hef sérstaklega áhyggjur af lyfjanotkun kvenna. Því hefur jú verið haldið fram að konur séu stærsti tilraunahópur lyfjafyrirtækjanna sem til er. Það er margt til í þessari fullyrðingu ef marka má lyfjakokteilana sem konur koma með til Póllands. Þær sem losna við lyfin í Póllandi læra að lifa þannig lífi að lyfin verða ónauðsynleg í flestum tilfellum.

Nú þegar sparnaðar er þörf ættu læknar að hugsa um ýmsar leiðir til þess að lækna fólk önnur en lyf.

Það að fasta undir lækniseftirliti er ein leið. Hreyfing og sauna er önnur. Yoga er þriðja.

Eru læknar tilbúnir að kynna sér  aldargamlar leiðir á erfiðum tímum eða ætla þeir að halda áfram að skrifa út lyfseðla,  marga hverja ónauðsynlega með öllu og án eftirlits.

Þess skal getið að fólk má ekki hætta á lyfjum án þess að ráðfæra sig við lækni.

Lyf geta haft þær afleiðingar að nýir sjúkdómar myndast og svo koll af kolli. 

Við þurfum öll að vera meira meðvituð um heilsuna og gera allt til þess að halda í hana. Spörum með því að reyna fyrst að lækna okkur sjálf.

Við þurfum ekki að halda lyfjafyrirtækjunum á lífi !

Andleg áskorun. Sigmundur Ernir takk fyrir Magneu.

Ég held að það verði andleg áskorun að takast á við það ástand sem upp er komið. Sem betur fer er maðurinn annað og meira en hulstrið og það dót sem það hulstur safnar í kringum sig. Góðverkin, vinagreiðar, fjölskyldutengsl og áhugi á börnum og unglingum fær vonandi uppreisn æru að nýju.

Kirkjan mætti nú alvega koma með eitthvað nýtt útspil. Það var ekki að heyra á jólaboðskapnum sem ég heyrði að boðið væri upp á ný viðhorf hvað trúna varðar.

Reyndar dett ég oftast út þegar ég hlusta á íslenskar messur. Fer að hugsa um allt aðra hluti. Í jólamessunni nú síðast fannst mér presturinn vera líka að hugsa um allt annað en boðskap jólanna. Sem er jú hver ? Fæðing frelsarans ! Má ekki ganga út frá því að boðskapur jólanna, stærstu hátíðar í heimi, geti fjallað um annað en barnsfæðingu ? Æi ég veit það ekki.

En !

Ég tel að lesturinn á Magneu, sögu Sigmunar Ernis hafi skákað öllum jólaboðskapnum. Mikið rosaleg er þetta fallega skrifuð bók og lærdómsrík. Til hamingju með hana og hún ætti að vera skyldulesning í skólum. Þar kemur fram það sem skiptir máli.Hún er skrifuð á tilfinningaþrungnu mannamáli.

Andlegur þroski er áskorun. Hvernig getur fólk lifað það af að missa börnin sín. Á síðu 23 grét ég svo að það tók mig langan tíma að jafna mig. Sjálf missti ég systurdóttur mína á árinu, 26 ára og horfði á foreldra og syni engjast af sorg. 

malefni.com-rimryts hefur framið mannorðsmorð dag hvern í mörg ár án þess að þurfa að svara til saka. Hann kemst upp með það á bloggi Baugsmanna/Hreins Loftssonar. Hver ber ábyrgðina ?

Iðulega hafa menn ráðlagt mér frá því að lesa óhróðurinn um mig á  malefni.com. Ég hef ekki hlustað á þessar ráðleggingar þar sem í öll þessi ár sem málefnin hafa verið í eigu Baugs hef ég getað fylgst með hernaðarplönum viðskiptajöfranna gegn alþingi og ráðamönnum þjóðarinnar auk þess sem ég hef getað lesið hvaða áróður þeir völdu gegn mér, persónu minni og lífi.

  Á malefnum.com hafa leigupennar ljóstrað upp hvernig heilaþvo átti almenning um að allt sem gagnrýnt var um aðferðafræðina, græðgina, feluleikinn og siðleysið í  viðskiptalífinu væri vegna geðveiki, valdasýki, biturleika og hefndarhug ákveðinna manna og mín. (Ég er eina konan sem ógnaði þeim) Ég hafði vonast til þess að þessum árásum linni. En það er ekki svo. Ekki veit ég hvað þarf að gerast fyrir Ísland til þess að þessir menn iðrist.

Þegar ég fékk ip tölurnar frá organistanum hlupu Baugsmenn til og keyptu af honum malefni.com þeir óttuðust ógljóslega að ég birti nöfnin bak við níðskrifin. Eignarhaldið á malefni.com var falið lengi vel og hinir og þessir þóttust ekki vita hver átti vefinn en unnu samt við vefstjórn. Þetta fannst mér merkilegt.

Það sem hinsvegar er enn merkilegra er þetta; þrátt fyrir að augljóst er flestum Íslendingum að menn viðhöfðu aðferðir sem ógnað hafa og kaffært heilt land þá eru sömu nikkinn enn að skrifa á malefni.com og halda því enn fram að þessi eða hinn gangi erinda Davíðs Oddssonar.

rimryts fer þar fremstur í flokki. Mikið svakalega er það sorglegt að lesa bloggið hans í dag t.d.  Maðurinn er svo siðblindur og svo villuráfandi og svo geggjaður að það er áhyggjuefni að hann yfir höfuð gangi laus. Nú er lag að handtaka hann fyrir mannorðsmorð t.d. 

Þið sem vitið líka hver hann er getið þið ekki gengist í málið.

Ég nenni ekki fleiri málaferlum.

Hér er sýnishorn af heilaþvættinu sem viðgengist hefur frá þessum mönnum í 8 ár.

 

View Member Profile ipsmenu.register( "post-member-1408210", '', 'popmenubutton-new', 'popmenubutton-new-out' );	Dec 27 2008, 19:55 Post #34
Forfallinn Group: Notendur Posts: 14860 Joined: 16-May 04 Member No.: 3449	QUOTE (Orville @ Dec 27 2008, 18:19) Samkvæmt Agli þá fór stór hluti af IceSave til Baugs. Sjá hér: http://eyjan.is/silfuregils/2008/12/26/rik...d-eignum-sinum/ Óskaplegt rugl er þetta. Bankar eru ekki reknir þannig að lánsfé sé eyrnarmerkt. Að það sem þessi fær lánað kemur frá einhverjum ákveðnum. Hvernig dettur mönnum slík firra í hug? Það er ekki nóg með að Jón Ásgeir sé sagður hafa fengið að láni allt það sem sem fyrirtæki sem hann á hlut í og á hlut í fyrirtækjum sem hafa fengið bankalán. Nú eru öll þessi fyrirtæki sögð vera Baugur. Í guðanna bænum hættu að rugla um það sem þú veist greinilega ekkert um. QUOTE (Almenningur @ Dec 27 2008, 19:37) Rimryts? hverjir sátu í stjórn Glitnis og FL group/stoðum. Hvernig getur þú haldið fram að Jón Ásgeir hafi verið áhrifalaus. Ég hef aldrei sagt að hann hafi verið áhrifalaus. En áhrifin eru greinilega aðeins brotabrot af því sem margir vilja vera láta. Áhrif Björgólfsfeðga voru greinilega miklu meiri á íslenska lánsfjármarkaðinn auk þess sem misnotkunin var greinilega mun meiri í Landsbankanum en í Glitni. Nú er Jón Ásgeir ekki aðeins sagður ábyrgur fyrir öllum útlánum Glitnis. Hann er einnig sagður ábyrgur fyrir lánveitingum sem fyrirtæki sem honum tengdust fengu hjá Landsbankanum. Heimskan tekur á sig ýmis konar myndir. This post has been edited by rimryts: Dec 27 2008, 19:56

 

Hverjar eru helstu áskoranirnar sem þið sjáið á næsta ári fyrir þjóðina ?

Gaman væri að velta þessu upp hér á blogginu.

Hvernig getum við mætt nýju umhverfi sem við blasir ?

Vildir þú, Stefán minn Jón, setja meiri peninga frá almenningi inn í Glitni ?

Ég hef verið mikill aðdáandi Stefáns Jóns og aldrei talið hann vaða í villu fyrr en með greinarskrifum í Fréttablaðinu í dag. Ekki meir Stefán ekki meir !

Þessi afsökun Samfylkingarmanna að kenna hruni bankanna um aðkomu Seðlabankans að Glitni er eins ódýr og þær geta gerst.

Glitnir var gjaldþrota; nýir eigendur Glitnis höfðu mokað út úr sjóðum félagsins öllu því sem til var og veðsett skelina upp fyrir sól og mána.

Stefán Jón minn var ekki nóg komið ? Þurfti ekki einhver að sýna það hugreki að stöðva þessa menn ? Ekki treysti foringinn þinn sér til þess, þrátt fyrir að henni hefði átt að vera ljóst fyrir næstum áratug að þarna fóru siðlausir viðskiptajöfrar.

Ekki réði ríkisstjórnin eða FME við að stöðva þessa mafíu sem augljóslega hafði hreiðrað um sig í öllum bönkum þessa lands og hertekið sparisjóðina.

Er ekki málið þetta, að eini dugandi aðilinn sem eftir var eftir allt Davíð Oddsson ? Forsetinn og formaður Samfylkingarinnar hafa gengið erinda þessara óreiðumanna í árafjöld.

Þrátt fyrir að Samfylkingin og Baugsmiðlar hafi lemstrað ímynd og mannorð hans tók hann af skarið. Bravó Davíð Oddsson en betur hefði verið að þú tækir af skarið mikið mikið fyrr. 

Stefán Jón getur þú svarað því hvað almennir lífeyrissjóðseigendur hafa tapað miklu vegna fyrrum eigenda Glitnis ? Átti Seðlabankinn að lána þeim meiri peninga ?

Eru menn galnir ? Ég trúi því að þetta útspil þitt í Fréttablaðinu sé vegna fjarlægðar við hið gjaldþrota Ísland og of mikilla tölvu- samskipta við formanninn þinn, sem veður þennan moðreyk og ætlar ekki að játa sig sigraða.

Saga Baugs /til hjálpar ríkisstjórninni sem nú er á leið til Bretlands að ná í líkið. Líkið er komið til Íslands. Það heitir í dag Hagar.

Til fróðleiks fyrir ríkisstjórnina.
Síðasti gjörningurinn sem fékk að viðgangast merkir að það er ekkert fyrir ríkisstjórnina að sækjast eftir. Það er búið að taka allt sem bitastætt er í og setja inní Haga.

 

Saga
1989 - Bónus stofnað
Bónus er stofnað af feðgunum Jóhannesi Jónssyni og Jóni Ásgeiri Jóhannessyni. Fyrst er opnuð ein Bónusverslun í Reykjavík en innan þriggja ára eru Bónusverslanir komnar um allt land. Það er skiljanlegt þar sem grundvöllurinn í hugmyndafræði Bónus er að bjóða ætíð lægsta vöruverðið á íslenskum matvörumarkaði. Fyrirtækið hefur enda margsinnis verið kosið vinsælasta fyrirtæki landsins í skoðanakönnunum Frjálsrar verslunar.

1992 - Hagkaup eignast 50% í Bónus
Eigendur Hagkaupa eignast 50% hlut í Bónus.

1993 - Bónus og Hagkaup
Bónus og Hagkaup setja á laggirnar innkaupa- og vörudreifingarstöðina Baugur.

1994 - Fyrsta verslun í Færeyjum
Bónus opnar fyrstu verslun sína í Færeyjum síðla árs 1994 með Jákub A. Dul Jacobsen, eiganda Rúmfatalagersins hf. Í dag á Baugur 50% hlut í SMS, samtals 8 verslanir, þar af 6 Bónusverslanir og tvo stórmarkaði.

1998 - Bónus og Hagkaup sameinast
Bónus og Hagkaup sameinast undir nafninu Baugur. Baugur yfirtekur rekstur matvöruverslana Hagkaupa, Nýkaupa, Bónuss og Hraðkaupa, auk innkaupa- og dreifingarfélagsins Aðfanga. Jón Ásgeir Jóhannesson verður strax forstjóri sameiginlegs félags. Baugur eignast síðan Vöruveltuna og 10-11 verslanirnar.

2001 - Bonus Dollar Stores
Baugur festir kaup á lágvöruverðskeðjunni Bill’s Dollar Stores og Bonus Dollar Stores. Baugur dregur sig hins vegar út úr rekstri í Bandaríkjunum til að einbeita sér að aukinni sókn inn á Bretlandsmarkað.

2002 - Baugur verður Baugur Group
Nafni Baugs er breytt í Baugur Group hf. og farið er að undirbúa skipulagsbreytingar innan fyrirtækisins.

2003 - Baugur afskráð
Eignarhaldsfélagið Mundur gerir yfirtökutilboð í Baugi á genginu 10,85 og í kjölfarið er félagið afskráð úr Kauphöll Íslands. Mundur er m.a. í eigu Jóhannesar Jónssonar, stjórnarmanns í Baugi Group, Jóns Ásgeirs Jóhannessonar, forstjóra félagsins, Kristínar Jóhannesdóttur, stjórnarmanns, Ingibjargar Pálmadóttur stjórnarmanns og Hreins Loftssonar, stjórnarformanns félagsins.

2003 - Baugur Group eignast Hamleys
Baugur Group eignast bresku leikfangaverslanakeðjuna Hamleys og eignast einnig meirihluta í tískukeðjunni Oasis Stores og heilsuvörukeðjunni Julian Graves.

2003 - Baugur Group eignast hlut í Frétt ehf.
Baugur Group eignast hlut í Frétt ehf. sem gefur út Fréttablaðið og DV. Seinna það sama ár eignast Baugur Group 21% hlut í Icelandair og yfir 90% hlut í tölvufyrirtækinu Aco/Tæknivali. Í desember eignast Baugur svo fjölmiðlafyrirtækið Norðurljós og eykur hlutafé sitt þar um 2 milljarða króna.

2004 - Baugur Group eignast 30% Norðurljósa og Fréttar
Baugur Group eignast 30% hlutafjár í sameinuðu fyrirtæki Norðurljósa og Fréttar. Við samruna félaganna og eignarhald Baugs Group upphefst óvægin pólitísk umræða um eignaraðild á fjölmiðlum. Ríkisstjórn Íslands leggur fram frumvarp til laga um eignarhald fjölmiðla sem eru samþykkt á Alþingi þrátt fyrir háværar gagnrýnisraddir í samfélaginu. Mikil og almenn mótmæli fylgja í kjölfarið og að lokum eru lögin felld úr gildi. Í október kaupa Norðurljós 35% hlut í Og Vodafone. Í lok ársins er hins vegar gengið frá kaupum Og Vodafone á Frétt og Íslenska útvarpsfélaginu, dótturfélögum Norðurljósa. Hlutur Baugs Group í sameinuðu félagi er 24,6%.

2004 - Kaup fest á Magasin Du Nord
Baugur Group eignast, í samstarfi við aðra fjárfesta, TH. Vessel & Vett sem rekur m.a. Magasin Du Nord, þekkta stórverslun í Danmörku. Magasin var stofnað árið 1868 og rekur nú 6 deildarskiptar stórverslanir.

2004 - Big Food Group fjármögnun
Baugur samþykkir að fjármagna kaupin á stórfyrirtækinu Big Food Group sem rekur matvörufyrirtækin Iceland, Booker og Woodward. Með þessum samningi er Baugur Group komið í hóp stærstu einkafyrirtækja á Bretlandsmarkaði með samanlagða veltu sem nemur rúmlega 800 milljörðum íslenskra króna.

2004 - Goldsmiths og MK One
Fjárfestingar Baugs Group utan Íslands aukast verulega þegar Baugur Group kaupir ráðandi hlut í Goldsmiths og MK One. Baugur hefur einnig umsjón með kaupum Oasis á Karen Millen, auk yfirtökutilboðsins í Big Food Group. Þá er gengið frá stofnun hlutabréfasjóðsins Ice Capital þar sem Baugur Group er stærsti einstaki fjárfestirinn.

2005 - Yfirtaka Big Food Group
Baugur Group tekur yfir starfsemi Big Food Group.

2005 - Mosaic Fashions
Mosaic Fashions, sem á og rekur kvenfataverslanir undir merkjum Oasis, Coast, Karen Millen og Whistles, er fyrsta skráða félagið í Kauphöll Íslands með erlendan uppruna auk þess að vera eina skráða félagið sem stundar smásöluverslun. Baugur Group ásamt Kaupþing og stofnendur Karen Millen, Kevin Stanford og Karen Millen, eru stærstu hluthafar Mosaic Fashions
.
2005 - Baugur eignast 30% í Keops
Baugur kaupir 30% hlut í danska fasteignafélaginu Keops fyrir um sex milljarða íslenskra króna. Starfsemi Keops felst meðal annars í því að kaupa og endurnýja atvinnu- og íbúðarhúsnæði, bæði til útleigu og sölu. Einnig er starfrækt innan félagsins félag sem heldur utan um fjárfestingar í fasteignum. Húsnæði félagsins er aðallega í Kaupmannahöfn og víðar í Danmörku en einnig í Svíþjóð.

2005 - Baugur Group eignast Jane Norman
Baugur Group og Kaupþing Banki eignast Jane Norman, tískuverslunrakeðjuna, frá Graphite Capital fyrir 117.4 milljónir punda.

2005 - Baugur Group kaupir Woodward Foodservice
Baugur Group og Talden Holding kaupa matvælafyrirtækið Woodward Foodservice af Giant Bidco. Woodward hefur á boðstólum fjölbreytt úrval matvæla, þar á meðal ferskan fisk og kjöt, frysta, kælda og innpakkaða matvöru fyrir veitingahús, krár, hótel og skóla um allt Stóra-Bretland.

2005 - Baugur Group eignast 80% í ILLUM
I-Holding ehf, Baugur Group, Straumur fjárfestingabanki og B2B Holdings, eignast 80% hlut í ILLUM vöruhúsinu í Danmörku ásamt fasteigninni sem hýsir reksturinn af Merrill Lynch International Global Principal Investment. ILLUM er eitt af þekktustu vöruhúsum Danmerkur og verslunarmiðstöðin er til húsa á besta stað í miðborg Kaupmannahafnar við Strikið.

2005 - Baugur eignast Merlin
Baugur Group, ásamt öðrum fjárfestum, eignast dönsku raftækjaverslanakeðjuna Merlin.

2005 - Baugur eignast 22% í Nordicom A/S
Baugur Group og Vagner Holding kaupa 22% hlut í skráða, danska fasteignafélaginu Nordicom A/S.

2005 - Baugur Group eykur hlut sinn í FL Group
Baugur Group eykur hlut sinn í FL Group.

2005 - Baugur Group eignast Mappin & Webb
Baugur Group eignast Mappin & Webb, einn helsta smásöluaðila í Bretlandi er sérhæfir sig í hágæðaúrum og skartgripum.

2005 - Baugur Group eignast Whittard of Chelsea
Baugur Group festir kaup á breska te- og kaffifélaginu Whittard of Chelsea.

2006 - Fasteignafélagið Stoðir eignast Atlas Ejendomme A/S
Fasteignafélagið Stoðir kaupir Atlas Ejendomme A/S í Kaupmannahöfn. Atlas Ejendomme A/S er eitt af stærstu fasteignafyrirtækjum Danmerkur í einkaeigu. Fyrirtækið fjárfestir í og leigir út skrifstofuhúsnæði af öllum stærðum og gerðum, vörugeymslur og atvinnuhúsnæði bæði í miðborg Kaupmannahafnar og Stór-Kaupmannahöfn.

2006 - Baugur Group opnar skrifstofu í Kaupmannahöfn
Baugur Group opnar skrifstofu í Kaupmannahöfn við Snaregade 12.

2006 - Baugur Group eignast 26% hlut í Wyevale Garden Centres
Baugur Group eignast 26% hlut í bresku garðyrkjukeðjunni Wyevale Garden Centres.

2006 - Baugur UK flytur í nýtt húsnæði
Baugur UK Ltd flytur inn í nýtt húsnæði við 89 New Bond Street.

2006 - Baugur Group eignast House of Fraser
Baugur Group festir kaup á bresku vöruhúsakeðjuna, House of Fraser.

2006 - Baugur Group eignast 50% í DAY BIRGER et MIKKELSEN
Baugur Group og B2B Holdings eignast 50% hlut í danska tískuvörumerkinu DAY BIRGER et MIKKELSEN

2006 - Samstarf við All Saints
Baugur Group hefur samstarf við breska tískuhúsið All Saints og eignast hlut í fyrirtækinu

2007 - Endurskipulagning af fjárfestingarstarfsemi
Baugur Group endurskipuleggur fjárfestingarstarfsemi fyrirtækisins í Retail, Property & Investments og Media & New Ventures

2007 - Baugur eignast Eik
Baugur Group, FL Group, Fjárfestingafélagið Primus ehf. og Saxbygg ehf. festa kaup á fasteignafélaginu Eik

2007 - Baugur eignast 33% í HUMAC
Baugur Group kaupir þriðjungshlut í HUMAC

2007 - Skipulagsbreytingar hjá Baugi Group
Baugur Group tilkynnir umtalsverðar skipulagsbreytingar sem gerðar eru með það fyrir augum að gera stjórnun félagsins enn skilvirkari en áður í fjölþættri sókn þess á alþjóðavettvangi. Jón Ásgeir Jóhannesson tekur við sem starfandi stjórnarformaður. Við starfi forstjóra tekur Gunnar S. Sigurðsson, sem hingað til hefur gegnt starfi framkvæmdastjóra Retail fjárfestingasviðs.

2007 – Booker skráð á AIM
Leiðandi heilsöluaðili í Bretlandi, Booker Group plc, er skráður á AIM-markað Kauphallarinnar í London.

2007 – Endurfjármögnun Iceland og Jane Norman
Baugur Group lýkur við endurfjármögnun matvörufélagsins Iceland og tískufyrirtækisins Jane Norman.

2007 – Yfirtaka á Mosaic Fashions og Keops
Mosaic Fashions er afskráð af OMX-kauphöllinni. Fasteignafélagið Stoðir lýkur við yfirtöku á danska fasteignafélaginu Keops og afskráir Keops af OMX.

2007 – £1 milljón á ári til kolefnisjöfnunarverkefnis á vegum Clinton-Hunter Development Initiative
Baugur Group skuldbindur sig til að leggja £1 milljón árlega til kolefnisjöfnunarverkefnis á vegum Clinton-Hunter Development Initiative og ríkisstjórnarinnar í Rúanda.

2007 - Hlutafjáraukning FL Group
FL Group eykur hlutafé og styrkir fjárhagslega stöðu sína gengum fjárfestingu í fasteignafélögum Baugs Group. Kaupin eru fjármögnuð að fullu með útgáfu nýs hlutafjár og er Baugur nú stærsti hluthafi FL Group. Einnig tekur Jón Sigurðsson við starfi forstjóra FL Group.

2008 - Baugur og Jane Shepherdson kaupa Whistles af Mosaic Fashions
Baugur Group gengur frá samningi við Jane Shepherdson, fyrrum vörumerkjastjóri Topshop, um að kaupa Whistles út úr Mosaic Fashions. Shepherdson verður forstjóri félagsins. Með henni í framkvæmdastjórn verða Keith Wilks fjármálastjóri og Jo Farrelly markaðsstjóri, sem bæði unnu með Shepherdson hjá Topshop. Saman munu þremenningarnir stjórna hinu nýja fyrirtæki eftir kaupin út úr Mosaic.

2008 - Baugur Group lýkur endurskipulagningu á starfsemi sinni
Baugur Group lýkur endurskipulagningu á eignasafni sínu á þann veg að félagið einbeitir sér alfarið að fjárfestingum í smásölu. Baugur selur í því samhengi fjárfestingar sínar í fjölmiðlum, tækni og fjármálum til tveggja nýrra, sjálfstæðra félaga.

2008 - Baugur Group hlýtur Útflutningsverðlaun forseta Íslands
Árið 2008 hlaut Baugur Group Útflutningsverðlaun forseta Íslands fyrir forystuhlutverk sitt í íslensku útrásinni og þann einstaka árangur sem fyrirtækið hefur náð í sölu- og markaðsmálum í verslunarrekstri á heimsvísu.

2008 – Endir bundinn á 20 ára smásöluverslun á íslandi
Baugur Group batt endi á 20 ára sögu í smásöluverslun á Íslandi með því að selja eignarhaldsfélagið Haga, þá stoð félagsins sem annaðist smásöluverslun á Íslandi. Kaupendur stærsta hlutarins í Haga voru Bónusfjölskyldan, stofnendur Baugs. Þessi sala var lokaskrefið í mikilli endurskipulagningu Baugs, sem hefur leitt til þess að félagið einbeitir sér nú að sínu sérsviði, sem er smásöluverslun. Áður hafði félagið selt breska matvælafyrirtækið Woodward Foodservice og bresku heildsölukeðjuna Booker.

Við ofmetum bloggið.

Það má vissulega þakka fyrir það að frjáls skoðanaskipti lifa enn, nú í bloggheimum. Hitt er svo annað mál að við sem fylgjumst með í bloggheimum teljum okkur trú um að það geri einnig þorri þjóðarinnar.

Ég held að það sé ekki þannig.

Það er alvarlegt í ljósi þess að fjölmiðlar, aðrir, tala lítið sem ekkert um það hagsmunamál almennings að reyna að fá upp í kröfur lífeyrissjóðanna gegn stóru fyrirtækjunum þremur sem lánuðu mest út úr sjóðunum; Baugur/Glitnir, Exista/Kaupþing, Samson/Landsbankinn. Þorri almennings hefur ekki aðgang að blogginu og er því illa upplýstur um margt það er að viðskiptahruninu snýr, skilur ekki það sem er að gerast í bönkunum núna og fær alla sína vitneskju sína í gegnum Fréttablaðið sem er ókeypis borið í andlitið á fólkinu.

Við bloggarar ættum því ekki að ofmeta bloggið og eyjan.is og fleiri bloggmiðlar, þó vinsælir séu, geta ekki haldið að umræðan sem fer hér og þar fram sé hin almenna umræða í samfélaginu.

Það er því spurning hvernig frjáls fjölmiðlun, á breiðum grundvelli, fær stoð í uppbyggingunni á nýju Íslandi. Það þarf að gæta þess að upplýsingar um hrunadansinn, persónur og leikendur verði ekki matreiddar eina ferðina enn öfugt ofan í okkar litlu einföldu þjóð. 

Vissulega bauð Bónus upp á ódýrari mat !

En Þessi kona ætti að fá verðlaun :http://larahanna.blog.is/blog/larahanna/

Er KPMG komið til starfa hjá þér Elín ? Í Landsbanka Íslands ! Hvar eru fréttastofurnar ?

Það er greinilega búið að laga til í Glitni en enginn haus látinn fjúka þar. Nú virðist sem hreingerningarlið hjá KPMG, feður og innherjar útrásarvíkinganna í FL Group og Stoðum sé búið að koma sér fyrir og gera nú hreint í Landsbankanum ? Er þetta vilji þessarar ríkisstjórnar sem komin er í jólafrí til 20. jan. að sópa undan velunnurum Samfylkingarinnar og Sjálfstæðisflokksins í skjóli jóla og áramóta ? Það sýður á manni yfir þessari spillingu ef rétt reynist.

Eftir að Tryggvi Jónsson var svældur úr bankanum þurfti þá að ráða herdeildina sem hann ól upp hjá KPMG í skítaverkin ? Herdeildin hjá KPMG sem skrifaði undir hryllinginn sem nú blasir við öllu fólki. Spillingin. sú sama bókhaldshönnunarklíka sem var ákærð fyrir bókhaldsfals en fékk stjúpföður ákærða til að vísa málinu frá í Hæstarétti. Þeir eru rétt að byrja að breyta Íslandi í glæpanýlendu á heimsmælikvarða. Hvar er samviska þessa dómara og lögfræðinganna sem villa um fyrir fólki í gjaldþrota landi ?

Ef þetta er rétt þá er tími mótmælanna ekki liðinn.

Hvar eru fréttastofurnar ?  Fólk þarf að fá þetta á hreint.

Hver tók ákvörðun um þetta, Elín eða Sigurjón ?

Eru engin takmörk hvað hægt er að bjóða almenningi uppá ?

Alþingi komið ykkur í vinnuna núna !

Hér brennur allt sem eigulegt er eða því stolið og skuldirnar og sukkið er sett á okkur skattgreiðendur !!