Af gefnu tilefni vegna fréttar RÚV í kvöld. Sendið út um allan heim ákall um að koma til Íslands í heilsumeðferð 24. janúar.

Vegna fréttar á RÚV um detox-meðferð í Mývatnssveit 29. jan. þá verður boðið upp á tvo möguleika, 4 daga kynning eða 14 daga full meðferð. Þeir möguleikar verða kynntir á heimasíðunni detox.is um helgina. Þar sem ég er á leið til Póllands á morgun þá bið ég alla að hringja á Hótel Reynihlíð og bóka sig og fá allar upplýsingar þar. Póllandsferðirnar halda áfram eins og auglýst er á detox.is

Næst er laust 14. febrúar til Póllands í tvær vikur eða fjórar vikur.

Þetta verkefni á Íslandi snýst um að ná hingað ferðamönnum í heilsutengda læknismeðferð en vinna einnig með Íslendingum sem frekar vilja vera á Íslandi en Póllandi. Það er von mín að ríkis og sveitafélags- stofnanir þessa lands leggi okkur lið og við sköpum atvinnu fyrir sem flesta með árangursríkustu læknismeðferð, en jafnfram sparsamri, sem völ er á í dag að mínu viti.

Vinsamlegast sendið mér tölvupóst á [e-mail] eða lítið á detox.is en um helgina verða komnar frekari upplýsingar um Mývatn á íslensku og ensku og við treystum því að enska útgáfan fari út um allan heim til vina og vandamanna Íslendinga og að við getum bætt við hótelum í framtíðinni og skapað þannig atvinnu og gjaldeyri.

Og hvað FRAMSÓKNARMENN um land allt ? Burt með flokks"eigendur", eða hvað ?

Getur það verið að einhverjir framsóknarmenn séu svo veruleikaskertir að halda það að flokkur sem reynir að bjóða upp á brenndan gamlan og úldinn graut nái brautargengi í næstu kosningum ?

Svo virðist vera.

Ef marka má framboð ákveðinna leppa/einstaklinga sem, biðja um umboð til þess að leiða Framsóknarflokkinn upp úr öldudal siðleysis í stjórnmálum. Siðlausir framsóknarmenn og stjórnmálaleiðtogar fyrri tíma, fyrrum forkólfar flokksins, reyna eina ferðina enn að eignast flokkinn til þess að "pönkast" á almenningi og eigum okkar til sjós og lands.

Er aldrei komið nóg ?

Er ekki nóg komið af peningum Gísli,Finnur og Helgi þurfið þið meira ?

Halldór Ásgrímsson missti völdin, það er eins gott að hann og hans fylgisveinar nái þeim ekki aftur í flokknum eftir næsta flokksþing.

Tíma Valgerðar Sverrisdóttur í stjórnmálum þarf að ljúka. Hún var undirgefin þessum mönnum.

Fleiri í flokknum ættu að sjá sóma sinn í því að stiga til hliðar. Þeir hafa miss fylgið niður í 3% !!

Hrærigrauturinn Framsóknarflokkurinn- SÍS /Gift/Kaupaþing/Búnaðarbankinn/S-hópur/Egla/ Exista/ og fleiri og fleiri fyrirtækjahagsmunabandalög framsóknar á ekki upp á pallborðið hjá kjósendum. Ef forkólfar þessa fyrirtækja láta sjá sig nálægt flokksþinginu er úti um flokkinn. Hann brennur í bankahruninu og spillingunni síðasta áratugar og jafnvel enn lengra aftur. Flestum finnst að tími Framsóknarflokksins sé liðinn. Að spilltasta stjórnmálaafl Íslandssögunnar þurfi að leggja niður. Ég er ekki sammála því þarna er stefnan sem hægt er að byggja á og fullt af fólki sem aðhyllist þessa stefnu og vill vera í flokknum og vinna góð störf áfram. Engin stefna hentar Íslandi í dag nema stefna Framsóknarflokksins. Lesið hana !

Flokksþingið þarf að bjóða upp á ný andlit, sterka leiðtoga, sterka málefnaskrá, sveigjanleika varðandi Evrópuaðild, gegnsæi, loforð um opin og hámarks upphæðir í kosningasjóð, loforð um ígrundaðar siðareglur og loforð um framtíðar Ísland sem byggir á stefnu Framsóknarflokksins en ekki sérhagsmunum örfárra drengja/karla. Sú stefna gerir ráð fyrir því að Íslendingar fái allir að njóta sín og að auðlindir okkar séu áfram okkar. Á stefnu Framsóknarflokksins má sjá að Evrópuaðild er alls ekki sjálfgefin og undirgefni ákveðinna flokksmanna gagnvart þrýstingi frá atvinnulífinu er sorgleg. Af hverju er fólk svona hrætt við forkólfa atvinnulífsins. Mennina sem settu þjóðina á hausinn. Er ekki öllum sama hvað þeir vilja í dag ? Við erum þjóð og okkar þjóðarhagur hefur ekkert með hag atvinnulífs í útrás og sukki að gera.

Í þeim orðum hvet ég þá sem hyggjast bjóða sig fram sem leppa fyrrum flokkseigendafélags að hætta við það og koma sér í viðskipti.

Þar eiga þeir heima !

Eða hvað framsóknarmenn gamlir og nýir.

Við byggjum nýtt afl með nýju fólki og því gamla sem neitaði að taka þátt í ráni á almanna eigum.

Getum við verið sammála um það ?

Fálkaorðan ! Húrra fyrir forseta vorum. Vel fjármögnuð útrás með flottum konum.

Þegar forsetinn veitir þessa merkilegu orðu, Fálkaorðuna, þá hefur mér oft fundist fólkið allt of ungt til þess að öðlast þessa sæmd. Ég vil líta svo á að í lok vinnuferils ætti forsetinn, ef við viljum þá hafa þetta stórskaddaða embætti áfram, að heiðra fólk sem hefur skilað þjóðinni góðu dagsverki.

En hverjir hafa svo sem ekki gert það í okkar vinnukrefjandi samfélagi.

Flestir jú.

En fyrir utan þá hugsun að allir ættu rétt á orðum eftir það sem á undan er gengið í okkar samfélagi þá fannst mér í gær orðuveitingin öðruvísi.

Ég gat svo um munaði glaðs yfir því að fyrirmynd, frumkvöðull, "mamma" okkar íþróttakennara, Ástbjörg Gunnarsdóttir, fékk þessa viðurkenningu. Ég horfði á þennan glæsilega frumkvöðul sem ég hef litið upp til síðan ég kom frá námi ´81 og hugsað. Loksins les forsetinn rétt í aðstæður.

Ástbjörg Gunnarsdóttir tók mér fagnandi þegar ég flutti til Íslands með nýjungar í leikfimikennslu og þjálfun. Hún var alltaf fyrst að skrá sig á öll námskeið sem ég var með og talaði af áhuga um nám mitt, framtíðarsýn og það sem ég var að gera hverju sinni. Velvildin leyndi sér aldrei í huga þessarar konu. Hún náði einnig að þjappa konum saman í heilsueflingu og verður bíómynd um þessar hetjur sýnd í sjónvarpinu á næstunni. "Allar mættar". Enginn kennir leikfimi fallegar en Ástbjörg Gunnarsdóttir að vísu hefur Ágústa Johnson svipaðan stíl í sinni kennslu, enda vinsæl.

En af hverju minnist ég á þetta núna ?

Jú það er einmitt núna sem við þurfum að hlusta á, fylgjast með, aðstoða og styðja við frumkvöðla eins og Ástbjörgu Gunnarsdóttur. Þær leiðir sem hún, Bára Magnúsdóttir og fleiri frumkvöðlar í heilsugeiranum fóru eru lærdómsríkar. Þær  kröfðust nýrrar hugsunar, vinnusemi og velvildar þeirra sem þjónustuna keyptu sem og úthalds til þess að gera sömu hlutina aftur og aftur. Nú liggur mikið við að þjálfa með unga fólkinu úthald. Úthalds til þess að gera sömu hlutina aftur og aftur þangað til markmiðum er náð. Aldrei endanlegu markmiði heldur áfangasigrum.Áfangasigrar Ástbjargar hafa verið margir og hún fór oft í útrás. Vel skipulagða, vel ígrundaða og vel fjármagnaða útrás með flottum konum sem fylgdu henni í einu og öllu.

Ísland þarf að setja sér markmið sem duga mun um aldur og ævi líkt og Ástbjörg Gunnarsdóttir hefur gert. Því miður eru tölvuleikir, sælgætisát og ólheilbrigt líferni margra unglinga ekki undirstaðan sem virkar, en við getum í það minnsta séð að þjóðin hefur minni tíma í dag til þess að eyða honum í vitleysu. Á skólum landsins hvílir sú ábyrgð að virkja nemendur og nú er lag að taka Pólverja sér til fyrirmyndar. Það er hluti af allri menntun að vinna með skóla. Vinna svo til ókeypis !

Til hamingju elsku Ástbjörg okkar og mikið rosalega varstu glæsileg við athöfnina á Bessastöðum. 

Ellefu sæmdir heiðursmerkjum fálkaorðunnar

Hann baðst afsökunar ! Forsetinn !

Það er nú sárabót.

Ótrúleg ræða !

Geir hefur í kvöld sýnt að hann er af einlægni í því hlutverki að leysa hér krísu. Það vonda í stöðunni er að hann er að reyna að komast hjá því að tala um aðkomu Samfylkingarinnar að hruni bankanna, útrásaræðinu og forsetaklappliðinu.

Þetta var að mínu viti ein besta ræða forsætisráðherra sem ég hef heyrt. 

Gleðilegt ár !

Brýnt að herða reglur um hegðan á fjármálamarkaði

Og að því sögðu þá lýsi ég því yfir....skipta þarf um lás á Frasóknarhúsinu Hverfisgötu.

Í fyrsta skipti síðan ég man eftir mér nennti ég ekki að lesa orð af því sem formenn flokkanna höfðu að segja í blöðum dagsins.  Mér varð illt að horfa á þessi gömlu, súru andlit spillingar og hruna landsins míns. Það vantaði bara mynd af forsetanum og þá hefði ég lagst í rúmið. Er ekki nóg komið góða fólk ?

 Ykkar tími er liðinn. Vissulega má læra af reynslunni en þessi reynsla var of dýru verði keypt. Þið sváfuð á verðinum, hlutuðu ekki á raddir fólks og viti men, við fórum annað !!

Ég skora á alla þá sem hafa vilja þrek og hugreki til þess að breyta andlitum forustu flokkanna og um leið stefnu og viðhorfum að stíga fram.

Áskorun á nýju ári !!

Ég hvet ykkur, hvar í flokki sem þið eruð, að koma í Framsóknarflokkinn og byggja á gömlum grunni með nýjum siðareglum almenningi og þjóðinni til heilla. Við sem gagnrýnt höfum hæst og mest verðum að sýna í verki að um SAMSTÖÐU er að ræða. Það dugar ekki að tala á torgum úti eins og akademían er að gera og fær verðlaun fyrir.

Það má kjósa um Evrópuaðild, það má setja á fót regluverk sem heldur utan um það nýja kerfi sem almenningur krefst þess að fá. Það má semja um allt og í bróðerni finna flöt á nýju Íslandi. Klæða þarf keisarann í föt.

En ríkisstjórnin er rúin trausti, það þarf að kjósa fljótt.

Nýtt fólk í gamlan flokk. Framsókn !! Jón Baldvin, Þorvaldur Gylfa, Davíð Oddsson, og öll þið hin sem sjáið neyðina. Stigið fram og sýnið hugreki. Það gerist ekkert í Samfylkingu og Sjálfstæðisflokknum sem leiðréttir það ástand sem nú er. Það skiptir engu máli hvað nýr flokkur heitir, en Framsókn liggur vel við, þar er hægt að endurnýja allt og stefnan er góð.

Og að því sögðu þá lýsi ég því yfir að það þarf að skipta um lás á Framsóknarhúsinu Hverfisgötu. Nýja lykla fær enginn sem misnotað hefur aðstöðu sína á kostnað almennings. Flokkseigendafélag Framsóknarflokksins þess síðari verður að finna sér annan vetfang til þess að viðhalda græðgi sinni og óheiðaleika.

Gleðilegt ár og við mótmælendur verðum að bjarga Íslandi, enginn annar er að því. Fólk og fyrirtæki þola ekki þennan ömurlega biðtíma sem seinagangur forustu landsins sýnir. Þetta er með ólíkindum. Eftir hverju er verið að biða.

Fyrirtækin eru að verða gjaldþrota og fólkið með. 

Ég giftist á árinu !

Oft fæ ég aulahroll þegar ég les stjörnuspár. Ég er þessi ískalda raunsæiskerling sem trúi ekki á svona handahófskennd vísindi en hef samt gaman af. Það er sennilega í voninni um að ég losni við að bera ábyrgð á mínu eigin lífi  og einhver töfrakona með kúlu ákveði, jæja Jónína mín nú gerir þú þetta og svo þetta og áður en ég veit af er ég laus við þann kvíða sem fylgir því ávalt að taka ákvarðanir.

Að vera ein um að taka ákvarðanir heimilsins er þreytandi til lengdar. Ekki það að tveir hafi alltaf verið auðveldara. Guð minn góður nei.O nei við skulum ekki minnast á þau ósköp á hátíðarstundu.

Það var því með vonmiklu hugarfari sem ég las áramótastjörnuspá mína í Mogganum (Evrópusinnaða málgagninu mínu, sem nú er orðinn einn áróðurs Evrópupési en samt bestur af tveimur)

Jú þar stendur að allt fari vel á árinu (vissi það svo sem) en að ástarmálin gengju vel og að ég gifti mig jafnvel á þessu ári ! ( er hægt að spá þessu líka ?)

Ok !

En svo kom klausan, það er að segja ef ég væri á "giftingaraldri". 

Ja hver andsk.

Hvaða aldur er það Moggaspámaður ?

Ég held að ég sé löngu komin af þeim aldri sem Mogginn á við um giftingaaldur.

Eða hvað finnst ykkur kæru bloggvinir. Er ég enn á giftingaaldri ? 

Og er einhver þarna úti sem vill giftast 51 árs gamalli konu ?

Gönguferðir í Öskjuhlíðinni nægja nú sumum sem skilgreining á sambandi, já eða leikhúsferðir, eða út að borða.

En gifting ? For crying out loud !

Ég er nú einu sinni hrútur og ef spámaðurinn í Mogganum veit eitthvað um hrútakonur þá eru þær öruggari ógiftar, það er að segja framan af aldri meðan þær hlaupa af sér hornin í það minnsta.

En ég heiti Jónína og ég er 51 árs hvatvís hrútur sem er ákveðin í að gifta sig  einu sinni enn þó það verði þegar ég er 100 ára.

Giftast ekki sumar konur Jesú ? Hann þarf nefnilega að vera ansi fullkominn sá næsti.

Njótið dagsins og ekki taka mig alvarlega frekar en stjörnupána ykkar í dag.

 

Hamingja.

Er hamingjan ekki augnblikið þegar þú horfir í augu þinna nánustu og segir ég elska þig ?

Ég held það. Ég er hamingjusöm. 

Nú get ég hætt að leita.

Reynir Traustason, þú auma sál. Heimildarmenn DV um mig voru Jóhannes í Bónus og Tryggvi Jónsson.

Ég stóð í röðinni í Bónus og las DV. Reynir Traustason þjónar sjúklegu eðli eigenda blaðsins og gerir lítið úr óvinum þeirra. Ástþóri, Jóni Geraldi, Sigmundi Erni, mér og tveimur öðrum.

Reynir Traustason, það er svo sorglegt að vita til þess að þú hefur í gegnum tíðina aðeins notað fólk, jafnvel okkur sem reyndum að vera vinir þínir.

Sú ágæta kona en fórnarlamb DV ógeðsins, Bergljót Davíðsdóttir, viðurkenndi í dag við mig að heimildarmenn hennar um óhróður DV gegn mér í nærmyndinni voru Jóhannes í Bónus og Tryggvi Jónsson. Dugar það þér ?Fyrrverandi sambýlismaður minn Jóhannes talar í nafnleynd um mig sem illmenni. Ég er svo þakklát að myndin er að skýrast og nú verður hún innan tíðar öll birt almenningi í lit.

Bergljót er fórnarlamb Reynis Traustasonar og DV manna eins og fleiri fjölmiðlamenn og konur.

Það dugar mér. Tveir fárveikir einstaklingar sem þurfa læknishjálp tjá sig í eigin fjölmiðlum um óvini sína. 

Greinin sem ritstjóri Moggans fékk til birtingar en hafnaði. Hina fyrri sem ég birti segist hann ekki hafa séð !

Leiðrétting á grein: Ritstjóri Morgunblaðsins hringdi áðan og  segist ekki hafa lesið greinina sem ég setti hér inn á bloggið í morgun en þessa hér hafi hann fengið og ekki viljað birta. 

Ekki veit ég hvert fyrri greinin sem ég birti hér á blogginu rataði en ég tók símtali hans í júlí alvarlega, skrifaði nýja grein og sendi á Moggann en fékk ekkert svar.

Ég birti því þessa eldri sem ritstjórinn segist hafa fengið.

Hann fékk hana 1. júlí 

Ég trúi því að Ólafur hafi borið hag minn fyrir brjósti þegar hann hafnaði henni.

Gallup birti könnun um hverjir urðu mestu fórnarlömb Baugsmálsins og ég var ofarlega á þeim lista og í því samhengi er þessi grein skrifuð. Herðubreið var svo með sína grein um upphafið og pólitíska aðkomu að Baugsmálinu.

Guð blessi bloggið.

 

 

Baugsmálið er pólitískt.

Sem eitt af “fórnarlömbum” Baugsmálsins dreg ég þá ályktun að Baugsmálið sé pólitískasta mál allra tíma.
Pólitíkin í Baugsmálinu hefur grafið undan trausti almennings á dómskerfinu, ákæruvaldinu, lögfræðingastéttinni og stjórnmálamönnum.
Af hverju ?
Jú svarið er einfalt. Á Íslandi komast menn og konur ekki til áhrifa nema þá að hengja sig utan í auðmannaklíkur.

Fólk er tilbúið að eyða 3 milljörðum í að auglýsa sakleysi sitt.
Fólk er tilbúið að gleyma því að sjóðir almennings voru í húfi þegar (Baugs) málið fór af stað.
Fólk er tilbúið að líta yfir þá staðreynd að hlutverk stjórnmálamanna er að sjá til þess að lagaumhverfi og reglugerðir séu í samræmi við hegðun, ábyrgð og innræti þeirra sem stjórna hér markaðinum.

Allir þeir huglausu stjórnmálamenn sem horft hafa fram hjá alvöru viðskiptahátta Baugsmann í áratug ættu að skammast sín.

Hér er vargöld og græðgisamfélagið auglýst í fjölmiðlum sem eftirsóknalegt.

Hér eru þeir einstaklingar yfirbugaðir af grimmd sem reyndu að koma böndum, höfðu til þess hugreki, á viðskiptalífið þegar verst gekk.
Hvað sem einhver Halldór Ásgrímsson eða Þorsteinn Pálsson hafa sagt við Jón Ásgeir skiptir engu máli því þeir hafa báðir opinberað hugleysi sitt. Þeir þora ekki í skrímslið. (í umræðunni þá sögðust Baugsmenn hafa upplýsingar frá þessum tveimur um aðkomu Davíðs að upphafi málsins)

Þess skal getið, og áður en lengra er haldið, um málið að ég get hengt mig upp á það að eftirtaldir aðilar vilja ekki að upphaf Baugsmálsins verði rannsakað. Þeir eru bara að hóta því til þess eins að enn eina ferðina slá ryki í augu almennings.
Hreiðar Már Sigurðsson
Sigurður Einarsson
Tryggvi Jónsson
Jón Ásgeir Jóhannesson
Jóhannes Jónsson
Bjarni Ármannsson
Hreinn Loftsson
Hjálmar Blöndal
Einar Þór Sverrisson
Pálmi Haraldsson
Gestur Jónsson
Ingibjörg Sólrún Gísladóttir
Valgerður Sverrisdóttir
Halldór J Kristjánsson
Ólafur Ragnar Grímsson
Össur Skarphéðinsson
Einar Karl Haraldsson
En fari svo að menn haldi áfram að dylgja og ljúga um upphaf málsins kemur að því að rannsókn er nauðsynleg.

Ég, þrátt fyrir að vera orðin hundleið á þessu máli, get fært ýmis gögn inn í þá umræðu sem Baugsmönnum hefur ekki tekist að skrumskæla heldur fela.

Jim Schafer þorir þá vonandi að tjá sig um upphaf Baugsmálsins, hann þekkir það vel en fékk 200 milljónir fyrir að þegja.

Það yrði auðvelt að svara þessum spurningum:
Af hverju treysti Jón Gerald ekki því að Tryggvi Jónsson  væri friðhelgur á Íslandi ?

Af hverju gat Elín Hirst ekki þýtt viðtalið við Tryggva um "þjófnað" Jim Schafer á hillum og fór Morgunblaðið í að  þýða fréttina. Mogginn vildi fá efnið og viðtalið við Tryggva og þess vegna sem fjölmiðill kom hann þessum gögnum til mín.

Baugsmenn flýttu sér að þagga niður í Jim áður en Mogginn náði þessu viðtali.

Af hverju fékk Jim Schafer forstjóri Bonus Dollarstore ekki að vera á fundi þar sem uppgjör fyrirtækisins voru kynnt ?

Því þeir lugu til um afkomutölurnar.

Miðað við það sem stjórnmálamönnum ætti að vera nú ljóst um viðskiptahætti þessa fyrirtækis sem hér hefur þjóðina í herkví ættu þeir að skammast sín fyrir að þora ekki að standa upp og stöðva þetta sukk.

Það eru aumu  talsmenn almennings sem hrópa á rannsókn á upphafi máls sem átti sér engar pólitískar rætur aðrar en hjá Samfylkingunni og Framsóknarráðherranum sem og bankastjóra framsóknarflokksins. Það upphaf þekki ég þó svo að framhald málsins hafi farið á þann veg sem raun ber vitni.
Ég  skal auðfúslega taka þátt í að rannsaka upphaf málsins ef þetta fólk sem hér er upptalið samþykkir það þá.