Hvernig vissi Össur snemma í gærmorgun um niðurstöðu forsetans ? Jú....

 Snemma í gærmorgun sagði Össur Skarphéðinsson í fjölmiðlum að "niðurstaðan kemur á óvart". Hann bjó yfir upplýsingum frá Bessastöðum, greinilega langt umfram aðra í ríkisstjórninni.

Af hverju talaði Össur með þessum hætti ?

Jú aðstoðarmaður Össurar, Einar Karl Haraldsson, hefur skrifað leikrit Bessastaðakonungsins síðan hann var kosinn forseti, afsakið konungur.

Einar Karl hannaði margslungin þjóðarbrot Samfylkingar þannig að almenningur heldur að um einn flokk sé að ræða.

Einar Karl ásamt Gunnari Steini Pálssyni aðstoðaði á launum auðmenn (Kaupþing og Baug) í blekkingaleikriti þeirra og yfirgengilegu hatri út í Davíð Oddsson og ríkisstjórn hans sem og nú síðari daga gegn Geir Haarde þegar hann neitaði að láta undan þrýstingi um undirlægjugang gagnvart útrásarvíkingum forsetans.

Svo má ekki gleyma ímyndamálum Þjóðkirkjunnar sem hann hefur unnið að í leiðinni.

Einar Karl ásamt Gunnari Steini Pálssyni hafa einnig hannað það leikrit sem birtist almenningi í Baugsmálinu, fjölmiðlamálinu og öðru sem kom valdaklíku auðvaldsins til góða en gerði þjóðina gjaldþrota. Þeir halda nú áfram á sömu vegferð ef marka má aðferðafræði Ingibjargar Sólrúnar í gær. Undirförli baktjaldarmark og lygar. Auðvitað var þetta leikrit tilbúið fyrr en þau sögðu. Lygar heita þetta Steingrímur J. að neita að hafa rætt málið. Að vísu hamraði Steingrímur á því í svörum sínum að ekki í dag ekki í dag hafi hann rætt við forustu Samfylkingarinnar. Hvaða máli skiptir hvernær hann tók þátt í bakstungum Samfylkingarinnar gegn Sjálsfstæðisflokknum. Pólitíkin er söm við sig og svo á almenningur að taka mark á þessu ógeði öllu.

Össur Skarphéðinsson er annað hvort einfaldur eða tvöfaldur í roðinu. Ég vel að velja það fyrrnefnda !

Forsetinn er allt önnur Ella sem nú situr eins og hann hefur lengi óskað sér.

Enn við völd, í umboði kjósenda.

Pælið í því !

Próf:

Hvor hafði meiri áhrif á græðgi, blekkingar og falsanir útrásarvíkinganna Ólafur Ragnar eða Davíð Oddsson ?

Svar:__________________________

 

Frétt af dv.is

" Össur Skarphéðinsson iðnaðarráðherra vildi ekki tjá sig um framhald ríkisstjórnarsamstarfs Samfylkingarinnar og Sjálfstæðisflokksins í samtali við blaðamann DV nú rétt í þessu. Hann sagði þó að niðurstaðan muni koma á óvart.

Talið er mögulegt að Össur sé að vísa til þess að utanaðkomandi aðili, jafnvel úr háskólasamfélaginu, verði fenginn til að leiða ríkisstjórnina þó ekkert sé ákveðið í þeim efnum.

Þá er jafnvel mögulegt að niðurstaðan verði sú að Vinstri grænir og Samfylkingin leiði samstarfið því ef marka má orð Ingibjargar Sólrúnar eftir fund Samfylkingar áðan, þar sem hún sagði að ríkisstjórnin þyrfti að njóta trausts almennings, er talið að hún sé að minnsta kosti ekki að vísa í núverandi ríkisstjórn, sem nýtur lítils trausts almennings." Af dv.is

Athugasemdir

[Heimir Lárusson Fjeldsted, 27.1.2009 kl. 07:20]

Mín kæra Jónína, nýi formaður Framsóknargerði þeim fært að slíta stjórnarsamstarfinu. Hann er hinn mikli"sigurvegari" þessa stundina.

Ákaflega umdeild byrjun á ferlinum og verður lengi í minnum höfð.

[Vigfús Davíðsson, 27.1.2009 kl. 07:35]

Sammála þér Heimir . Þeir hófu leikritið . Og eru arkitektar af þessu .

[Jónína Benediktsdóttir, 27.1.2009 kl. 08:23]

Ég trúi því ekki að Sigmundur Davíð gangi inn í þessa ríkisstjórn. Hann grefur sína gröf. Við þurfum þjóðstjórn og síðan kosningar. Með þessu er hann að gefa Samfylkingunni til baka atkvæðin og um leið gefa þeim færi á að laga til í tættri hjörð.

[Sigurður Sigurðsson, 27.1.2009 kl. 08:40]

Jónína, hann hóf leikinn engu að síður.  Segi enn og aftur, ónýtur bílskrjóður, sprautaður í nýjum lit, kemst ekki til Akureyrar með úrbrædda vél og gírkassa.

[Jónína Benediktsdóttir, 27.1.2009 kl. 09:07]

Láttu nú ekki svona SISI það má skipta um vel í gömlum bíl og láta hann virka vel :-))

[Stefán Óli Sæbjörnsson, 27.1.2009 kl. 09:11]

Ég er alveg klár á því að þessi leikflétta var tilbúin 21.jan s.l. En  þá eins og við munum kom hver samfylkingarmaðurinn á fætur eftir öðrum og heimtaði kosningar, Ingibjörg erlendis og innanflokksmenn ruddu út úr sér hverri gagnrýni á eftir annari. Handritið var löngu tilbúið, það þarf bara einfaldlega að komast til botns í þessari leikfléttu.