Að uppfylltum hvaða skilyrðun Sigmundur Davíð ? Af hverju Samfylkingin forseti ?

Það er ein regla í keppni, hún er sú að rétta ekki andstæðingunum boltann. Samfylkingin fékk tækifæri með Sjálfstæðisflokknum en klúðraði því. Þess vegna völdum við Framsóknarflokkinn. Töldum að í nýju bandalagi flokks með lítið fylgi væri hægt að byggja um djarfa sókn en ekki stuðningsflokk sem hefur ekkert um málin að segja.

Ég hvet forustu Framsóknarflokksins að styðja ekki þennan minnihluta en fara fram á þjóðstjórn fram til kosninga líkt og Geir Haarde mælti með. Það er galið í nokkrar vikur að snúa hér öllu á hvolf til þess eins að snúa því aftur við að loknum kosningum.

Ég er hinsvegar sammála VG um að ákveðnir menn hafa til þess unnið að eignir þeirra verða frystar þó sennilega sé það um seinan.Svifaseint eftirlit kemur í veg fyrir að þetta sé í raun hægt. En hvað gerðu Hollendingar og Bretar, frystu þeir ekki eignir bankanna án dóms og laga ?

Framsóknarforkólfar það er mikið í húfi að þið styrkið ekki þessa samsuðu forsetans og PR manna hans. Samfylkingin hefur ekkert til þess unnið að fá að hræra í þessum graut áfram.

Í fyllingu tímans mun það sannast.

Það verður augljóst í fyllingu tímans hver fór í raun með valdið við stjórnarmyndun þessa. Málið er gríðarlega alvarlegt fyrir fyrirtækin í landinu og almenning. Ég treysti fáum betur fyrir fjölskyldunum en Jóhönnu Sigurðardóttur en ég treysti henni ekki til þess að standa upp í hárinu á þeim sem sett hafa hér þjóðina á bólakaf. Jóhanna hefur í gegnum árin verið uppáhalds stjórnmálamaður minn og þjóðarinnar en nú tel ég nauðsynlegt að nýr forsætisráðherra verði sérfræðingur á sviði krísustjórnar, breytingastjórnar og enduruppbyggingar. Jóhanna hefur því miður ekki þá þekkingu.

Ég óska henni samt góðs gengis og veit í það minnsta að þar fer manneskja með manngildi ofar öllu.

Formaður Framsóknarflokksins lét í ljósi stuðning við nýja ríkisstjórn forsetans.

Er þetta rétt hjá forsetanum Sigmundur Davíð ?

Við flokksbræður þínir eigum rétt á því að vita hvað fyrir þér vakir ? Af hverju ekki þjóðstjórn með þig sem forsætisráðherra ?

Þú þarft ekkert umboð kjósenda ef þú treystir þér til þess að vera formaður flokksins. Þjóðstjórn er eina vitið fram að kosningum annars er verið að búa spillingunni nýtt bæli.

Ég mótmæli stuningi Framsóknarflokksins við stjórn Samfylkingarinnar  sem er í tætlum. Til dæmis hafa Björgvin G og Ingibjörg Sólrún ekki rætt saman síðan í desember samkvæmt mínum heimildum.

Sigmundur Davíð þetta er prófraun á styrk þinn og sjálfstæði  gagnvart spilltum öflum úr gamla Kaupþingi; dekurfyrirtæki forsetans og Samfylkingarinnar.

Össur og forsetinn í Katar með Kaupþingi.

 Gömul frétt af vefslóð forsetans. Góða skemmtun !

Er þessum mönnum treystandi Sigmundur Davíð ?

"Náin samvinna Íslands og Katars

Opinber heimsókn forseta sem hófst í Katar síðdegis í gær hefur þegar skilað víðtækum árangri. Í viðræðum forseta og emírsins af Katar, Sheikh Hamad Bin Khalifa Al Thani, kom fram eindreginn vilji þjóðarleiðtoga Katars til að kanna rækilega möguleika á náinni samvinnu við Íslendinga á sviði banka- og fjármála, heilbrigðismála og rannsókna í læknavísindum, nýtingu hreinnar orku, háskólamenntunar og rannsókna ásamt því að þróa samræður um hvernig smærri ríki eins og Ísland og Katar gætu í sameiningu haft áhrif á stefnur og strauma á alþjóðavísu.  Myndir. Fréttatilkynning.

 Katar er meðal auðugustu ríkja í veröldinni. Tekjur þeirra frá gasauðlindum eru nú þegar orðnar ein öflugasta fjármagnsuppspretta í heiminum. Þær fjárhæðir sem landið hefur til ráðstöfunar í fjárfestingar og verkefni víða um heim nema árlega margföldum þjóðarútgjöldum þessa auðuga ríkis.

 Í viðræðum forseta Íslands og emírsins af Katar og á fundum iðnaðarráðherra Össurar Skarphéðinssonar og orkumálaráðherra Katars var farið yfir fjölmörg verkefni sem íslenskir bankar og fyrirtæki, háskólar og rannsóknastofnanir gætu komið að. Leiðtogar Katars vilja vinna hratt að þessum verkefnum og óskuðu eftir því að á næstu sex mánuðum næðust niðurstöður varðandi ákveðin sameiginleg verkefni, meðal annars á sviði fjárfestinga. Einnig yrði komið á reglubundnum tengslum milli háskóla og rannsóknastofnunar Katars, Qatar Foundation, og vísindasamfélagsins á Íslandi. Innan þessarar stofnunar eru allir helstu háskólar og rannsóknastofnanir landsins, og mun hún senda fulltrúa sína til Íslands á næstu vikum.

 Leiðtogar Katars lögðu áherslu á að þessi nýja samvinna Íslands og Katars væri í anda stefnunnar um samstarf smárra ríkja. Nauðsynlegt væri að slík ríki beittu sér fyrir nýjungum á alþjóðavettvangi, bæði í viðskiptum, vísindum og alþjóðlegri stefnumótun. Ákveðið var að forseti Íslands og emírinn af Katar hefðu með sér náið samráð á næstu vikum og mánuðum. Jafnframt lýsti emírinn áhuga á að koma í heimsókn til Íslands næsta sumar.

 Össur Skarphéðinsson iðnaðarráðherra og fjármálaráðherra Katars Yousef Kamal undirrituðu fyrr í dag rammasamning um samstarf ríkjanna á sviði efnahags-, viðskipta- og tæknimála og jafnframt samkomulag um að greiða fyrir samskiptum á sviði ferðamála.

 Opinber heimsókn forseta Íslands og Dorrit Moussaieff forsetafrúar hófst með hátíðlegri móttökuathöfn á flugvellinum í Katar síðdegis í gær þar sem emírinn af Katar og kona hans Sheikha Mozah tóku á móti hinum íslensku gestum. Forsetahjónin sátu svo í gærkvöldi kvöldverð ásamt emírshjónunum og dóttur þeirra þar sem ítarlega var rætt um tækifæri þjóðanna til árangursríkrar samvinnu á komandi árum.

 Í morgun var formlegur viðræðufundur forseta og emírsins ásamt íslensku sendinefndinni og fjölmörgum ráðamönnum Katars þar sem nánar var farið yfir einstök verkefni og næstu skref ákveðin. Að því loknu efndi emírinn til hádegisverðar til heiðurs forseta og íslensku sendinefndinni, bæði opinberu nefndinni og fulltrúum íslenskra fyrirtækja.

 Forseti heimsótti nýja skrifstofu Kaupþings í Doha, höfuðborg Katars en Kaupþing er fyrsti norræni bankinn sem opnar skrifstofu í landinu. Þá kynnti forseti sér starfsemi Fjármálamiðstöðvar Katars.

 Í kvöld býður fjármálaráðherra Katars, Yousef Kamal, til  umræðufundar um tækifæri smárra ríkja í framtíðinni og munu sækja hann fjölmargir forystumenn úr viðskiptalífi Katars auk íslensku sendinefndarinnar og fulltrúa þeirra íslensku fyrirtækja sem fylgja forseta í þessari opinberu heimsókn.

• Forseti Íslands
• Dagskrá forseta
• Fréttatilkynningar
• Ræður og kveðjur
• Fálkaorðan
• Verðlaun og viðurkenningar
• Verndari
• Fyrri forsetar
• Bessastaðir
• Fáni, merki, þjóðsöngur
• Skrifstofan

Letur:

© Forseti Íslands 2007
Skrifstofa forseta Íslands er á Staðastað, Sóleyjargötu 1, 101 Reykjavík. Sími: 540 4400 - Fax: [phone] - Netfang: [e-mail] "

Hvernig vissi Össur snemma í gærmorgun um niðurstöðu forsetans ? Jú....

 Snemma í gærmorgun sagði Össur Skarphéðinsson í fjölmiðlum að "niðurstaðan kemur á óvart". Hann bjó yfir upplýsingum frá Bessastöðum, greinilega langt umfram aðra í ríkisstjórninni.

Af hverju talaði Össur með þessum hætti ?

Jú aðstoðarmaður Össurar, Einar Karl Haraldsson, hefur skrifað leikrit Bessastaðakonungsins síðan hann var kosinn forseti, afsakið konungur.

Einar Karl hannaði margslungin þjóðarbrot Samfylkingar þannig að almenningur heldur að um einn flokk sé að ræða.

Einar Karl ásamt Gunnari Steini Pálssyni aðstoðaði á launum auðmenn (Kaupþing og Baug) í blekkingaleikriti þeirra og yfirgengilegu hatri út í Davíð Oddsson og ríkisstjórn hans sem og nú síðari daga gegn Geir Haarde þegar hann neitaði að láta undan þrýstingi um undirlægjugang gagnvart útrásarvíkingum forsetans.

Svo má ekki gleyma ímyndamálum Þjóðkirkjunnar sem hann hefur unnið að í leiðinni.

Einar Karl ásamt Gunnari Steini Pálssyni hafa einnig hannað það leikrit sem birtist almenningi í Baugsmálinu, fjölmiðlamálinu og öðru sem kom valdaklíku auðvaldsins til góða en gerði þjóðina gjaldþrota. Þeir halda nú áfram á sömu vegferð ef marka má aðferðafræði Ingibjargar Sólrúnar í gær. Undirförli baktjaldarmark og lygar. Auðvitað var þetta leikrit tilbúið fyrr en þau sögðu. Lygar heita þetta Steingrímur J. að neita að hafa rætt málið. Að vísu hamraði Steingrímur á því í svörum sínum að ekki í dag ekki í dag hafi hann rætt við forustu Samfylkingarinnar. Hvaða máli skiptir hvernær hann tók þátt í bakstungum Samfylkingarinnar gegn Sjálsfstæðisflokknum. Pólitíkin er söm við sig og svo á almenningur að taka mark á þessu ógeði öllu.

Össur Skarphéðinsson er annað hvort einfaldur eða tvöfaldur í roðinu. Ég vel að velja það fyrrnefnda !

Forsetinn er allt önnur Ella sem nú situr eins og hann hefur lengi óskað sér.

Enn við völd, í umboði kjósenda.

Pælið í því !

Próf:

Hvor hafði meiri áhrif á græðgi, blekkingar og falsanir útrásarvíkinganna Ólafur Ragnar eða Davíð Oddsson ?

Svar:__________________________

 

Frétt af dv.is

" Össur Skarphéðinsson iðnaðarráðherra vildi ekki tjá sig um framhald ríkisstjórnarsamstarfs Samfylkingarinnar og Sjálfstæðisflokksins í samtali við blaðamann DV nú rétt í þessu. Hann sagði þó að niðurstaðan muni koma á óvart.

Talið er mögulegt að Össur sé að vísa til þess að utanaðkomandi aðili, jafnvel úr háskólasamfélaginu, verði fenginn til að leiða ríkisstjórnina þó ekkert sé ákveðið í þeim efnum.

Þá er jafnvel mögulegt að niðurstaðan verði sú að Vinstri grænir og Samfylkingin leiði samstarfið því ef marka má orð Ingibjargar Sólrúnar eftir fund Samfylkingar áðan, þar sem hún sagði að ríkisstjórnin þyrfti að njóta trausts almennings, er talið að hún sé að minnsta kosti ekki að vísa í núverandi ríkisstjórn, sem nýtur lítils trausts almennings." Af dv.is

Óvinveitt yfirtaka á ríkisstjórninni með aðstoð forsetans.

Hef ekki meira um það að segja annað en; er Framsóknarflokkurinn kominn í kommabandalag ?

Loksins verður forsetanum að ósk sinni um "vinveitta" ríkisstjórn vina og velgjörðarmanna. PR ráðgjafar auðmanna, Samfylkingarinnar og forsetans enn eina ferðina að "pönkast" á Íslendingum í leyniklúbbum.

Jahérna Sigmundur Davíð minn.

Er hægt að vinna með Samfylkingunni yfir höfuð ? Gengur hún enn erinda auðmanna gegn Davíð Oddssyni ?

Það getur ekki verið annað en mjög þreytandi að vera í samstarfi með flokki sem hatast út í Davíð Oddsson. Þessi árátta Samfylkingarinnar er orðin bráð fyndin ! Hún er að kljúfa ríkisstjórnina á ögurstundu, svo mikið er hatrið.

Eru forkólfar Samfylkingarinnar að standa við loforð, í aðdraganda kosninganna, við Baug og forsetann um að koma Davíð Oddssyni á kaldan klakann ?

Ekkert annað dettur mér í hug þegar Davíðsáráttan er slík, hjá forkólfum Samfylkingarinnar, að jafnvel leggur þetta fólk undir hið margþráða vald sitt í ríkisstjórn. Vald sem misnotað hefur verið aftur og aftur, meðan sómamaðurinn Geir Haarde sér ekki alvöru hótana Samfylkingarinnar og fyrir hverja hún er að vinna í raun. Í Seðlabankanum eru sérfræðingar og þetta er niðurlægjandi fyrir þá líkt og hvernig Ingibjörg Sólrún talaði um rannsóknarlögregluna í kjölfar Baugsmálsins. Hún gerði lítið úr eftirlitinu svo um munaði, sjálfri sér til skammar og þjóðinni til minnkunar.

Það er ekki hægt að ver í stjórnmálabandalagi við svona sundurleitan hóp, hvað þá þegar hann gengur enn erinda auðmanna.

Davíð Oddsson á minnstan þátt í hvernig komið er fyrir þjóðinni, freka er það forsetinn með fjölmiðlafrumvarpinu og ráðgjafar Samfylkingarinnar, Baugs og forsetans, þeir Einar Karl og Gunnar Steinn sem prjónuðu það leikrit sem auðmenn settu hér á svið stjórnvöldum, eftirlitsstofnunum og almenningi til blekkingar.

Framtíð Íslands og veikindi stjórnmálamanna.

Ég meina það af hlýhug að veikindi stjórnmálamanna eru alvarlegri en ágreiningsmál í hita leiksins á vettvangi stjórnmálanna. Ég harma það ef menn misskilja þann hlýhug. Geir og Ingibjörg Sólrún hafa bæði margt gott gert þó svo að gagnrýnin hafi verið sterk á aðgerðaleysi og ráðaleysi.

Framtíð Íslands er í höndum almennings sem með blóði tárum og svita þarf að vinna upp traust og atvinnulíf heillar þjóðar. Það er undir okkur komið að hér sé lífvænlegt. Við byggjum ekki upp traust með ofbeldisfullum mótmælum.

Látum í okkur heyra á vettvangi stjórnmálanna en ekki með árásum á lögregluna.

Trúverðugur Framsóknarflokkur.

Ég átti von á því að flokkurinn stækkaði en ekki svona hratt. Það er gleðilegt að sjá í könnun að fylgi flokksins hefur aukist um 14% á örfáum vikum. Úrtöluraddir þeirra sem sögðu það ómögulegt að byggja nýtt stjórnmálaafl á gömlum gildum og á gamalli kennitölu höfðu einfaldlega rangt fyrir sér.

Aldrei, góðir Íslendingar, hefur verið meiri þörf á stefnu Framsóknarflokksins og því duglega fólki og forustu sem nú situr á alþingi og vinnur nú að stefnumótun og stjórnlagabreytingum.  Höskuldur, Eygló og annað kraftmikið fólk mun ásamt formanninum, Sigmundi Davíð, sýna þjóðinni fram á nýjar leiðir til þess að endurreisa íslenskt samfélag. Flokkurinn er sá eini sem boðar breytingar. Hinir hakka í sama farinu og hafa fátt nýtt fram að færa, eða svo virðist vera.

Til hamingju framsóknarmenn það fer ekki á milli mála að kjósendur eru langþreyttir á stjórnmálum öfgastefnunnar, til hægri eða vinstri, hvað þá úrræðaleysi og karlaklíkum sem ganga erinda auðmanna, blokka í viðskiptalífinu og formanna almenningsfélaga sem misnotað hafa aðstöðu sína með sukki bankanna. 

Það er mikil ábyrgð á núverandi stjórnvöldum og þau verða að slíta stjórnarsamstarfinu og ný forusta framsóknarfólks þarf að taka við skútunni. Með hverjum ?

Það er álitamál. 

Fyrsta skrefið í viðreisn er nýr gjaldmiðill; að Ísland taki upp Bandaríkjadollar og finni nýjan bandamann í Obama sem fyrst.

Loksins er glæta komin í hvítahúsið, vona og bænarsvar í hverfulum heimi.  Ef marka má ræðu Barack Obama í gær við innsetningu er enn von í annars vonlitlum heimi frjálshyggju og glannaskapar.

Obama heillaði flesta með ótrúlegri staðfestu, ákveðinni bjartsýni en umfram allt með gríðarlegum karlisma og leiðtogahæfileikum. Svona ræða hefur ekki heyrst í áratugi á vettvangi stjórnmálanna.

Ég legg til að við Íslendingar leitum að nýju í fyrrum bandamenn okkar í Bandaríkjunum. Leggjum okkar að mörkum sem þjóð sátta og samninga heimsálfanna í milli. Þannig erum við vel staðsett.

Við getum hinsvegar ekki gengið fram með ofbeldisfullum mótmælum og öfgum sem skila engu nema neikvæðri ímynd og skelfdum börnum og unglingum ef við vilum vinna sem þóðr friðarins.

Hverslags fyrirmynd er þetta fólk, sem hagar sér svona , framtíðaríbúum Íslands ? Svo er þetta sama fólk að mótmæla stríðum og yfirgangi annarra þjóða. Er svo ekkert skárra sálft !

Þetta er yfirgangur sem stjórnast af hvatvísi og hugsanaleysi. Hættið þessu mótmælendur, svona villimennska gerir þjóðinni erfiðara fyrir !

Nei við getum rétt við Ísland með nýjum gjaldmiðli og nýjum bandamönnum. Það getur gerst hratt og við losnum við að fara á hnjánum inn í bandalag við Evrópu sem hvort eða er gæfi engan afslátt á náttúruauðlindum Íslands frekar en að rétta okkur aðstoð á erfiðum tímum eða setja á okkur hryðjuverkalöggjöf.

Í fljótu bragði virðist mér þann bandamann vera að finna í Obama, vonarstjarna annars galins heims.

Vinir mínir, hagfræðingar vestanhafs, sem vel til þekkja, telja að ræða Obama í gær hafi einkennst af Búddisma. Það er gott ef svo er og einhversstaðar stendur í gömlum spádómum að nýr leiðtogi muni rísa og verði hann hafinn yfir öll trúarbrögð eða pólitískar stefnur.

Það skildi þó aldrei vera að nýir tímar nálgist hraðar í heiminum og þá jafnvel á Íslandi en áður leit út fyrir. 

Við framsóknarmenn viljum nýtt kerfi, nýtt skipulag og nýja ríkisstjórn. Hugmynd mín um dollara hef ég ekki viðrað við flokksfélaga en geri það hér með á blogginu.