Minnihlutinn sýnir þroska í þessu REI máli.

Auðvitað þarf fagstjórnanda í REI. Bendi á Þórólf Árnason eða Jón Sigurðsson Össuri. Hvorugur er glæframaður og báðir kunna að lesa úr afkomutölum, sjá tækifærin og eru ekki í feluleik með fyrirtækin sín. Flott hjá minnihlutanum.

Leitað að fagstjórnanda í REI

2. vitnisburður um detoxmeðferðina í Póllandi.

Þóra Guðjónsdóttir 59 ára matráðskona

Ég koma með systur minni og ég hef áður verið í Hveragerði til þess að ná heilsu.

Ég vildi léttast og verða liprari í skrokknum. Ég hef verið mjög slæm í hnénu og var með mikla vöðvabólgu. Troðin af vöðvabólgu. Með nuddi á hverjum degi hefur vöðvabólgan horfið.

Nuddararnir eru alveg stórkostlegir . Hnéð á mér er miklu betra og ég lést um 7, 3 kíló á þessum tveimur vikum. Úthaldið hefur aukist gríðarlega og nú get gengið hraðar og lengra. Hér er mjög gott aðgengi að læknum og hjúkrunarfræðigum og það veitir okkur sem erum lélegri líkamlega mikla öryggiskennd.

Það kostar ekkert auka að fá allar þessar mælingar og eftirlitið er alvöru eftirlit.

Morgunleikfimin með öndunaræfingum og augnæfingum styrkir augnbotnana og gefur mér mikla innri ró. Eins hef ég gengið daglega úti í skógi og gönguleiðirnar eru stórkostlegar. Þú getur gengið á jafnsléttu þegar þú ert að ná þér á strik og svo líka í brekkum. Þú getur gengið á mjúkum slóðum og það hjálpar mikið í byrjun meðan verið er að koma líkamanum í gang.

Fólk í yfirþyngd þarf að ganga á mjúku leiðunum.

Maturinn fór að vísu illa í mig fyrst en honum var þá breytt strax og ég fékk það sem ég þurfti. Greinilegt var að bakflæðið læknaðist af þessu mataræði. Ristilskolanirnar voru pínu erfiðar en þær koma sér vel í mínum vandræðum með magann. Ég finn það núna.

Jónína Ben á heiður skilið fyrir að hefja þessar meðferðir og stjórna þeim.

1. Vitnisburður um meðferðina í Póllandi

Hjördís Benediktsdóttir 77 ára atvinnurekandi

Ástæða þess að ég fór í þessa ferð var sú að dóttir mín hafði farið oft í detox og ég sá hvað hún hafði gott af þessu og mig langaði með.

Það var mikið slen yfir mér og ég var of þung á mér. Því vildi ég bæta heilsuna og létta mig. Mér fannst þetta eina skynsamlega úrræðið.

Aðstaðan er fín og frábær meðferðarfulltrúi, ( Jónína) get ekki hugsað mér betri manneskju til þess að standa að þessum ferðum. Hún er frábær manneskja. Hún svaf og vakti yfir velferð okkar og reynsla hennar og þekking skein í gegn þegar hún leysti öll verkefni strax og vel.

Nuddið er einstakt og vöðvabólgan er farin og hér getur maður farið í nudd á hverjum degi fyrir 1500 kr.

Gönguleiðirnar eru góðar inni skóginum og eftirlit lækna frábært en það er einstakt hvað vel er fylgst með manni.

Ristilskolanirnar  þrjár gerðu mér mikið gott og ristillinn á mér er hreinn og heilbrigður. Ég hef lést um 4,5 kíló en allan tímann var ég á svokölluðu Makrófæði sem var gríðarlega gott og vel útilátið.

Það að létta sig var ekki aðal málið fyrir mig heldur að ná heilsunni í lag. Ég hef hvílst vel og ég er kem endurnærð heim að Eyri í Hvalfjarðarsveit.

Fólkið í ferðinni hefur verið frábært, samhentir og jákvæðir einstaklingar allir sem einn.

Ég er ákveðin í því að fara aftur til Póllands.

http://whfoods.com/genpage.php?tname=faq&dbid=16#digestion

Svona fer meltingin fram.(slóðin hér að ofan) Þetta er frábær sýnikennsla sem kennir  hvernig næringaefnin í mat meltast og nýtast.

http://whfoods.com/genpage.php?tname=faq&dbid=16#digestion 

Ýtið á eat og þá kemur mynd sem sýnir nákvæmlega hvernig meltingin fer fram á rúmum hálfum sólahring. 

Margt á þessum whfoods.com vef er hægt að sýna krökkum sem eru óþæg að borða hollan mat t.d. Þau hafa gaman af því að skoða þessa myndlíkingu og þá um leið er hægt að fræða þau. 

Börn eru sérstaklega viðkvæm í maga og ristli og lengi býr að fyrstu gerð. Hvítt hveiti og sykur valda börnum oft verkjum í maga og ristli.

Trefjar eru því miður á undanhaldi í matarvenjum barna og unglinga. Með trefjaríkum mat þarf að drekka vel af vatni.

Epli og vatn, t.d. fyrst á morgnanna, er eitt það besta fyrir alla til þess að koma meltingunni af stað.

Líkt og fullorðnir þurfa börn og unglingar líka Magnesíum og Sink til þess að upptaka B vítamína sé nægileg. Best er því að borða alltaf grænmeti á hverjum degi.

Eru vítamín, steinefni og sölt í fæðunni hjá barninu þínu t.d. ?

Meiðum ekki börn með óhollustu. 

Það er svo vont að fá í mallann hvað þá að geta ekki haft hægðir.

Streita hefur líka mikil áhrif á meltinguna. Börn eiga ekki að þurfa að vera stressuð. Skólinn og heimilið þurfa að leggjast á eitt með að draga úr streytu. Hún er allt og mikil á Íslandi.

Skoða ber lyfin áður en þau eru gefin, kannski....

Er ekki nær að skoða lyf og verkanir þeirra áður en þau eru gefin ? Er eðlilegt að konur börn og öryrkjar séu einhver tilraunadýr. Þetta eru þeir hópar sem fá mest af geðlyfjum. Semsagt eru greinilega geðveikari en karlmenn almennt.Eitthvað er nú bogið við þessi fræði öll. Hitt er svo annað mál að ýmsa þekki ég sem telja þunglyndislyfin ómissandi. Það ber að virða og alls ekki gera lítið úr því. En þegar fólk er komið með 9 tegundir af lyfjum og flest gegn geðslagi þá þarf nú að spyrna við fótum.

Aukaverkanir lyfja eru alltaf einhverjar þó sérstaklega í ristlinum.

Nú hljóta geðlæknar að taka upp þessa umræðu af alvöru og   sýna fagi sínu þá virðingu að fara ofaní saumana á þunlyndis og kvíðastillandi lyfjum, áhrif þeirra en þó sér í lagi aukaverkanir þeirra.

Margir geðlæknar eru að vinna kraftaverk með sjúklinga sína en þó mest þeir sem vinna án mikilla lyfjagjafa að mínu mati.

Samfélagið í heild sinni gæti komið í veg fyrir þetta mikla þunglyndi þjóðarinnar.( Við eigum heimsmet í því eins og öðru.) Sýna öðrum hlýju og ást t.d., heilsa og brosa til annarra, taka utan um börn og unglinga og láta þau vita að þau eru merkileg. Gríðarlega merkileg. Tala við maka sinn!! Tala og tala eins og maðurinn sagði þegar frúin bað um fund.

Gerum það nú. Verum meira nice hvort við annað.

Þarf að skoða áhrif þunglyndislyfja betur

Það er gaman. Nýtt heilsuhótel á Vestfjörðum ?

Það er gaman að sjá börnin leika sér í snjónum í snjógöllum. Þau fá þannig góða hreyfingu og orku og súrefni til þess að stunda námið betur í skólanum. Þau sofa betur og eru tilbúin til þess að borða fiskinn vegna hungurs.

Þessi snjór núna minnir um margt á þá tíma þegar snjór var alltaf yfir öllu á Húsavík í gamladaga, eða semi gamladaga. Það var svo gaman. Við vorum alltaf úti! Að leika, á skíðum t.d. og svo komum við dauðþreytt heim að kvöldi. Þvílíkt líf sem maður fékk sem barn. Frjáls og án skilyrða.

Það er talið í detoxfræðunum að með því að vera mikið úti í náttúrunni dragi úr líkunum á ýmsum geðlægum sjúkdómum. Hvergi er betra að vera út í hreinni guðsgrænni náttúrunni en hér.

Það er vonandi að við Íslendingar berum gæfu til þess að halda í það dýrmætasta sem við eigum; lítið spillta náttúru og orku sem er vistvæn, nóg af vatni og jarðveg sem er frjór og frekar ómengaður.

Það er ánægjulegt að nú sé talað  um að byggja heilsuhótel á Vestfjörðum. Það væri æði. Það vantar heilsuhótel, alvöru heilsuhótel þó í Hveragerði sé eitt að finna. Vissulega væri hægt að byggja alvöru heilsuhótel á þeim góða grunni sem þar er. Íslendingar ættu að eiga heilsuhótel í öllum landshlutum. Hvað annað, við erum jú heilsuland, SPA land.

Stígum varlega til jarðar.Álverið á Bakka verður vonandi fallegra en Álverið í Straumsvík eða Álverið fyrir austan.

Ég vona það svo!

Eru toxísk efni í öllu sem þú notar og borðar ? Próf.

Sjaldnast hugleiðum við hvaða toxísku efni eru í því sem við notum daglega. Það er því vel athugandi að athuga hvaða toxísku efni eru í:

Tannkreminu þínu ?Sjampóinu þínu ?Hárnæringunni þinni ?Handsápunni ?Smjörinu þínu ?Sódavatninu ?Brauðinu þínu ?Hvað heldur þú ?

Viltu benda okkur á eitthvað fleira sem er með E efnum eða öðrum toxískum efnum í ?

Steraneysla á Íslandi er augljóslega algeng.

Steraneysla hér á landi er ótrúlega algeng en um leið falin. Það er augljóst, þeim sem til þekkja hverjir nota stera til þess að stækka vöðvana og hverjir æfa án lyfja.

Sterar eru dóp og er ólöglegt að nota þá hvað þá að selja þá. 

Sterar eru seldir hér í gegnum einkaþjálfara og aðra sem stunda almenna dópsölu.

Foreldrar geta þekkt einkennin með því að fylgjast með unglingum sínum. Fylgjast vel með breytingunum sem verða við svokallaða líkamsrækt. Vandamálið er að fjölmiðlar hika ekki við að sýna menn sem augljóslega eru að drepa sig á sterum! Íþróttir sem lúta ekki lyfjaeftirliti Íþróttasambandsins ættu ekki að vera sýndar í sjónvarpinu t.d. Frumkvöðlarnir í sterkasti þetta og sterkasti hitt ættu líka að skammast sín fyrir að ala á ásýnd þeirri sem við sjáum í sjónvarpinu.

Makar verða fljótt varir við neyslu stera hafi þeir augun opin. Skapið sveiflast, vöðvarnir tútna út, bólur geta myndast, hnakkinn breytist, hakan breytist og svo mætti lengi telja. Og hvað er til ráða ? Eins og staðan er ekkert nema að ræða málið við viðkomandi en það gæti verið stórhættulegt.

Það þarf að koma upp  aðstoð við sterafíkla og aðstandendur því fíknin er alvarlegri en flesta grunar.

Best er að tilkynna alltaf til lögreglu þegar fólk verður vart við sterasölu í heilsuræktarstöðvum.

Sterar drepa nefnilega hraðar en þig grunar. 

Þeir eru vanabindandi eiturefni. 

Edda Heiðrún Bachman selur heilsusamt súkkulaði

Í verslun Eddu Heiðrúnar Bachman leikonu og athafnakonu, á Hverfisgötunni, er hægt að kaupa heilsusamt súkkulaði.

Edda Heiðrún hefur hannað þarna búð sem vert er að heimsækja. Það eru mjög góð andoxunarefni í súkkulaðinu hennar auk bætiefna sem laga til í blóðinu. Súkkulaðið sem hún selur er vandað og hefur ekkert af hertum, skertum eða eitruðum efnum í því.

Holt dökkt súkkulaði er gefið sjúklingum á pólska heilsuhótelinu okkar eftir strangar krabbameinsmeðferðir t.d. en einnig þeim sem eru blóðlitlir.

Verslunin "Súkkulaði og Blóm" selur líka bókina "Eitt augnablik" . Ótrúleg bók sem Lótushús gefur út.

Þar stendur meðal annars:

"Ef ég álít að aðrir séu betri en ég getur það valdið slíkri gremju að ég get ekki beðið eftir að þeir stígi feilspor svo að ég fái tækifæri til að benda öðrum á veikleika þeirra." bls. 78

The secret....Bréfið sem mér barst....

Það er svo ótrúlegt með lífið að þegar þú síst væntir einhvers þá rúllar svarið við spurningunni upp í hendurnar á þér. Í morgun þegar ég fór útfyrir þægindaramann, óþægilega, leiðinnlega, þá fór ég á netið til þess að leita mér af einhverju sem gæti ýtt mér upp úr þægilegu hjólfari. Þá koma til mín tölvupóstur sem ég birti hér fyrir neðan.

The secret virkaði svo sannarlega hjá mér í morgun því ef það er eitthvað sem ég á erfitt með þá er það að stunda Yoga. Mig vantar boltann, spinninghjólið, skíðin....

Ég get ekki beðið eftir því að þjást í ofvirkni minni innan um allt þetta rólega og yfirvegaða fólk. Þægindaramminn víkkar svo um munar yogahelgina miklu. Nú er lag að koma sér yfir næstu hindrun.

Skráning er hjá Áslaugu í síma 6948475.

Bréfið sem mér barst er þetta:

Heil og sæl.

 Okkur er það sönn ánægja að upplýsa nánar um komu Ashutosh Muni til  Íslands. Hann er einstök sál, hugljómaður maður sem hefur náð ótrúlega langt á leið sinni til aukins andlegs þroska. Hann er munkur sem gefur kærleika sinn skilyrðislaust og allt sem hann kennir. Við erum mjög blessuð að fá að njóta nærveru hans þessa helgi 14. - 16. mars.

  

Dagskrá:

 

Föstudagur 14. mars:    

 

18.00 – 19.00 húsið opnar - skráning

 

19.00 – 21.30 fyrirlestur með Ashutosh Muni

 

 

 

Laugardagur 15. mars:   

 

06.30 – 07.00 Arati

 

07.00 – 08.00 jóga

 

09.00 – 13.00 fyrirlestur með Ashutosh Muni

 

13.00 – 14.00 hádegismatur

 

14.00 – 18.00 fræðsla með Ashutosh Muni

 

19.00 – 21.30 Satsang, samvera í söng og dansi

 

 

 

Allir velkomnir á Satsang

 

Vinsamlega sendið póstinn áfram til þeirra sem hugsanlega hafa áhuga

 

kær kveðja

 

Undirbúningshópurinn