Gott hjá Mogganum. Jón Ásgeir mætir í vinnuna. Loksins !

Það er gott hjá Mogganum að brjóta reglur um lengd greina fyrir Jón Ásgeir. Það er gott hjá ritstjóranum að heimila Jóni Ásgeiri að útskýra fyrir okkur hvað gerðist í raun. Maður andar létter að vita vissu sína nú loksins.

Ritstjórinn skrifaði mér bréf löngu fyrir hrun bankanna og endursendi mér grein um aðkomu mína að Baugsmálinu. Hann sagði þá að allir væru hundleiðir á þessu máli. Ég geymi bara þá grein en orð ritstjórans voru svona eins og rassskelling um að hætta nú að skipta mér af þessu máli. Það var óþægilegt fyrir nýjan ritstjóra að "pönkast" á Baugsmönnum.

En ég fagna því að ritstjórinn heldur ekki í íhaldsama hefðir blaðsins og ég fagna því einnig að Jón Ásgeir ætlar að fara að mæta í vinnuna. Hann er hörkuduglegur og þjóðin þarfnast krafta hans !

Það er vonandi runnið upp ljós fyrir útrásarvíkingana að fólk þarf að vinna fyrir peningunum sínum !

Jón Ásgeir tekur dóma nærri sér

Athugasemdir

[Heimir Lárusson Fjeldsted, 29.12.2008 kl. 14:48]

:-)

[Ástþór Magnússon Wium, 29.12.2008 kl. 14:54]

Jónína, því ekki að birta þessa grein hér.

Þeir voru fljótir á Mogganum fyrir nokkrum dögum að fjarlægja tengingu við frétt hjá mér þegar nafn Hreins Loftssonar bar á góma.

Gárungarnir kalla þessi vinnubrögðu "Hreinsgerningar". Það er ágæt umfjöllun um það á síðunni: sorprit.com

[Heimir Lárusson Fjeldsted, 29.12.2008 kl. 15:11]

Ja, hvorfor ikke?

[Jónína Benediktsdóttir, 29.12.2008 kl. 16:55]

Greinin er svo sorgleg og nú finnst mér bara mikilvægast að horfa fram á veginn. Er það ekki annars strákar ?

Ég er svo meðvirk í eðli mínu að ég er farin að vorkenna öllum þessum drengjum. Finn til með þeim og fjölskyldum þeirra. Þetta er eitthvað svo rosalega sorglegt.

[Jón Einarsson, 29.12.2008 kl. 18:38]

Heil og sæl, Jónína. Ég var nú að sinna bústörfum í desember og fjarri síma- og netsambandi sem fyrr og hef því ekki getað þakkað þér fyrir innkomu þína í minn (okkar!) frábæra flokk, Framsóknarflokkinn.  Þú kemur sem ferskur vindur inn í þennan glæsta og fornfræga flokk og það er satt að segja krafa okkar að þú farir í framboð til leiðtoga í flokknum.

Vertu ekki að finna til með þessum útrásarvíkingum, sem hafa grafið undan landbúnaði í landinu og opnað það fyrir hvurs kyns óþarfa og bruðli sem við höfum enga þörf fyrir - og sem steypti okkur í þá glötun sem við erum í í dag.  Hvur þarf á öllu þessu dóti að halda sem þeir hafa verið að pranga inn á þjóðina?  Bónus, Hagkaup, Nýkaup, Exista, og hvað þær nú heita allar búðirnar sem þeir hafa reist á sandi fyrir skattfé almennings!  Þetta þarf að stoppa.  Hér duga engin vettlingatök, nú þarf einfaldlega að banna það að hinir og þessir fái bara peninga frá almenningi til að stunda með fjárhættuspil!  Þvílík og endemis vitleysa sem við okkur blasti þegar Framsókn var hrakin frá völdum fyrir atbeina Baugsmiðla og Moggans.  Framsókn, flokkurinn sem hefur leitt þjóðina í gegnum áratugi frá fátækt til allsnægta.  Ekki tók það Sjálfstæðisflokkinn og Samfylkinguna nema ár að leggja hina blómlegu akra landsins í rúst!

En hér sit ég og rausa, þegar skyldan kallar.  Vertu velkomin til okkar í Framsókn og er það von mín að þú komist til valda hjá okkur og tryggir að hér komumst við til valda á ný og náum að byggja upp blómlegt land þar sem landbúnaður og sjávarútvegur verður grunnstoðin.  Hér þurfum við hvorki fjármálalíf né útrás.

[Einar Áskelsson (IP-tala skráð) 29.12.2008 kl. 19:16]

Er grein Jóns Ásgeir ástæðan fyrir því að maður hélt að Mogginn kæmi ekki út á milli jóla og nýárs.  Tek undir með mönnum að ofan, þú átt einmitt að nota tækifærið og birta greinina. Almenningur er miklu tilbúnari núna að "kaupa" það sem þú hefur að segja en áður.  Svona komdu með þetta kona...

[Jón Einarsson, 29.12.2008 kl. 19:33]

Vilmundur, mér sárnar þetta, því Framsóknarflokkurinn hefur aldrei verið kyndilberi neins annars en vammleysis og heiðarleika. Síðan Tíminn var og hét, hins vegar, hefur flokkurinn verið miskunarlaust mulinn niður og rægður í málgögnum hinna ólýðræðislegu flokka sem hafa einokað fjölmiðlun á landinu. Það er kominn tími til að þjóðin sjái að Framsókn er ekki sá spillingarflokkur sem myrkraöflin mála hann, og að það sé þjóðinni lífsnauðsyn að fá hann aftur til valda. Með stjórnarskrárbreytingu ef ekki vill betur til, þar sem gæti þurft að koma til að það yrði hreinlega ekki leyft að mynda stjórn (tímabundið) án aðkomu Framsóknar.

[Sigurður Sigurðsson, 29.12.2008 kl. 20:30]

Skora á þig, Jónína, að birta þessa grein.  Þú mátt ekki vera svona aumingjagóð, þjóðin á rétt á að fá að heyra þína frásögn.

Aðeins þó að orðum Jóns Einarssonar; 

Fyrirgefðu en eru ekki aðal útrásarvíkingar Kaupþingsbanka tengdir framsóknarflokknum (þú fyrirgefur Jónína, því ég tel þig engan framsóknarmann)  Voru það ekki framámenn í framsóknarflokknum sem fengu gamla Búnaðarbankann fyrir lítið, t.d. Finnur Ingólfsson og Óli í Samskip ásamt fleirum = S-hópurinn.  Þetta eru að mínu mati aðal braskhundarnir og orsakavaldarnir í þessu hruni, tóku dansinn í byrjun með Baugsveldinu.  Ég hef heyrt að þessir menn hafi hvað harðast tekið stöðu gegn krónunni og fellt hana.  Kallarðu þessa menn vammlausa og heiðarlega ég bara spyr ??

Reyndu ekki að þvo blóðugar hendur Framsóknarflokksins af þessu máli. 

Því miður er foringinn farinn, hann er að mínu mati heiðarlegastur allra framsóknarmanna.

[Jónína Benediktsdóttir, 29.12.2008 kl. 20:38]

Já mér líst vel á Framsókn og vona að fleiri gangi í örflokkinn minn en spillingin verður krufin til mergjar.