Gamlar greinar en sígildar.

Það var sérkennilegt að lesa hér gömul skrif mín um Kaupþing og Sigurð Einarsson og Ingibjörgu Sólrúnu.

En afskaplega dapurlegt í raun.

Björn Ingi / Bjarni Ármannsson og Markaðurinn, viðskiptablað Fréttablaðsins.

 Meira gamalt og gott en grátlega trúverðugt núna...

 

Markaðurinn, "viðskiptablaðið" sem fylgir Fréttablaðinu í dag, er eitt allsherjaráróðursblað fyrir þá sem eiga allt sitt undir sjálftökuliðinu í viðskiptalífinu og auðvitað fyrir sjálftökulið sjálft.

Björn Ingi hefur fundið auðveldan vettvang til þess að leiðrétta "misskilninginn" um aðkomu hans sjálfs að REI! Bjarni talar eins og þjóðin sé á hausnum vegna þess að almenningur lét ekki yfir sig ganga eina ferðina enn.

Dettur einhverjum í hug að Bjarni hafi haft hag Reykvíkinga í huga þegar hann var að kynna GGE í London og væntanlega yfirtöku GGE á eigum almennings í REI ? GGE getur ekki einu sinni klára hlutabréfaútboð sitt í dag hvað þá að greiða milljarða til OR. Peningarnir eru búnir.

Viðtalið við Bjarna Ármannsson vekur vonandi stjórnvöld, eftirlitsstofnanir og dómstóla til lífsins.  Er eitthvað eftir í Glitni ?

Sjálfstæðisfólk sem ekki er í sjálftökudeild fyrirtækja eða opinberra stofnana nú þarf sem aldrei fyrr að standa vörð um sjálfstæði þjóðarinnar. Fólk sem hefur fyrir löngu komið ár sinni fyrir á öðrum skútum, í öðrum löndum er að gera grín af okkur í þessu blaði. Er ekki komið nóg af glansmyndinni og glannaskapnum.

Stöndum vörð um það litla sem eftir er.

Látum þá ekki gleypa það líka. American Airlines fær ekki nema að litlum hluta að vera í eigu útlendinga. Hvað með Icelandair ? Stolt þjóðarinnar í gegnum árin ? Getur ríkið ekki keypt það, og bankana, og fjölmiðlana, og önnur þau fyrirtæki sem búið er að moka út úr öllu sem verð er í og aðeins skelin stendur tóm eftir á Íslandi. (mín í svartsýniskasti eftir lestur Fréttablaðsins enda á forsíðu 18 karlar, ein kona í auglýsingu og fullt af rollum) Ojbarasta.

 

Sigurður Einarsson Kaupþingi /hafa bankarnir veikt stöðu íslenska ríkisins eftir allt ?

7. mars skrifar formaður stjórnar Kaupþings, Sigurður Einarsson, grein í Fréttablað og segir að Kaupþing hafi ekki farið of geyst í fjárfestingum.

"Ef ég lít til baka á fjárfestingar Kaupþings á ég erfitt með að sjá að við höfum almennt farið of geyst í fjárfestinum okkar."

"Ég leyfi mér að efast um að staða Kaupþings væri betri nú ef við hefðum ekki keypt þessi fyrirtæki".

Í ljósi nýjustu greiningar FR í dag um lækkandi lánshæfismat ríkissjóðs og smæð hans gegn íslenska bankakerfinu, mætti þá spyrja.

Fór Kaupþing of geyst gagnvart íslenska ríkinu og íslensku þjóðinni.

Var ekkert eftirlit haft með þessum hraða vexti hjá Fjármálaeftirlitinu ?

Sennilega hafa bankarnir tekið hér völdin eins og ýmsir sjá. 

Sigurður segir í sömu grein að miklum verðmætum hafi verið skilað frá bönkunum inn í íslenskt þjóðfélag.

Það var og. Það lítur út fyrir að bankarnir hafi veikt stöðu íslenska ríkisins ef marka má síðustu greiningar útlendinganna sem forkólfar bankanna segja að séu bara öfundsjúkir út í okkar gríðarlega hagvöxt!

Kaupþing í fullu fjöri! Norðlendingar gætið að ykkur.

Fyrst birt: 21.04.2008 11:19Síðast uppfært: 21.04.2008 11:20

 

"Sparisjóður sameinast BYR

Sparisjóður Norðlendinga sameinast BYR frá og með deginum í dag. Þetta kemur fram í tilkynningu frá sparisjóðunum. BYR samanstendur nú af 4 sparisjóðum, sparisjóði Hafnarfjarðar, Sparisjóði Kópavogs og Sparisjóði Vélstjóra."

Það gleymist að segja hver stendur að baki þessu brölti og fákeppnisaðför allri.

 

mbl.is

Ofmetnar skuldir þjóðarbúsins um 93% ! Vilhjálmur Egilsson segir fréttir.

Annað gamalt blogg...Sjáið frá því í apríl !!

 

"Nú sé komið í ljós að skuldastaða þjóðarbúsins hafi verið stórlega ofmetin, - nettóskuldirnar nemi aðeins 27% af landsframleiðslu en ekki 120% eins og hagtölur Seðlabankans sýni. Þetta liggi fyrir í kjölfar þess að Seðlabankinn hafi borið útreikninga sína saman við staðla Alþjóðagjaldeyrissjóðsins.

Á þessum tíma vorum við að byggja upp mikið fjármálakerfi, bæði bankakerfið og erlendar fjárfestingar. Það varð gjörbreyting á samsetningu íslensks atvinnulífs á stuttum tíma enda er fjármálageirinn nú orðinn stærsti útflutningsatvinnuvegur okkar,” segir Vilhjálmur. “Breytingarnar eru miklu stærri en tilkoma nýs álvers fyrir austan eða nokkuð annað sem hefur gerst á sama tíma.” Vilhjálmur bendir á að í árslok 2007 hafi eigið fé bankakerfisins numið 920 milljörðum króna og hafi vaxið úr114 milljörðum í árslok 2003. “Þetta er ævintýralegur vöxtur,” segir Vilhjálmur “Þetta merkir að eignastaðan var í raun að batna á öllum póstum. Það er því nauðsynlegt að draga mun betur fram hversu mikið staðan hefur batnað á þessum árum.”

Vilhjálmur Egilsson

 Getur þetta verið, er eigið fé bankanna orðið 920 milljarðir króna ?

Getur verið að Seðlabankinn hafi ofmetið skuldastöðu þjóðarbúsins um 93% af landsframleiðslu ?

Gott væri ef satt reynist! 

En getur verið að Seðlabankinn treysti ekki útreikningum bankanna á eignum sínum ?

Telji þá búa til tölur sem standast ekki skoðun ? 

Nú þarf seðlabankastjóri að svara Vilhjálmi skorinort. 

Björn Bjarnason talar af viti um OR/REI málin.

Fleiri forustumenn í Sjálfstæðisflokknum mættu tjá sig um OR málin líkt og Björn Bjarnason gerir, af einlægni og heiðaleika.

Björn hefur eflst mikið á þessu kjörtímabili og væri flokkurinn dapurlegur án hans í ráðherraliðinu. Hann þorir að gagnrýna eigin flokksmenn þegar þeir hafa málað sig út í horn, margir hverjir.

Atlagan að Birni hefur engin áhrif haft á hann og nú ætti að leita í reynslubrunn hans og fá hann til þess að skilgreina REI, tilgang þess og framtíð út frá hægristefnu stærsta stjórnmálaflokks Íslands, Sjálfstæðisflokksins.

Það er stefna flokksins sem er skýr og ef henni er fylgt væri ekki þessi hringlandaháttur með REI. Einkavæðingin virkar en hún þarf að vera byggð á útboðum, samkeppni, og lagaumhverfi sem stendur vörð um hag almennings og orkunýtungu almennt.

Þessi vandræðagangur er með ólíkindum og augljóslega er verið að moka yfir sönnunargögn í málinu öllu.

Hitt er svo annað mál hvort það sé ekki heillavænlegt að moka yfir þá slóð sem fyrst og halda áfram.

Stundum er best að vita sem minnst um flest....

Haldið áfram á ógæfubraut

Ertu að grínast borgarfulltrúi ? / Hvað í REI þolir ekki dagsljósið ?

Eftir viðtal Kastljóssins í gærkvöldi við borgarfulltrúann minn, þann sem ég trúði mest á að kæmi REI málinu í heilbrigðan farveg, setti mig hljóða. Aulahrollurinn heltók mig síðan.

"Hvað í dauðanum var þetta" ?

Hvað í fjandanum var maðurinn að fara, við hvað átti hann og hvað var hann að fara í viðtal með engar upplýsingar um engar lausnir um ekkert plan og ekkert nýtt í stöðu sem kostaði fyrri meirihluta völdin ?

Hvað er það í REI málinu sem þolir ekki dagsljósið ? Nú skal það upp á borðið!!

Hverjum í Sjálfstæðisflokknum, Samfylkingunni og Framsóknarflokknum er verið að bjarga ?  

Núverandi forstjóra t.d ?

Glitnisforkólfunum í orkuútrásinni Árna Magnússyni og Bjarna Ármannssyni ?

Össuri, Ingibjörgu Sólrúnu og Ólafi Ragnari ?

Er búið að lofa eigum þjóðarinnar til gæðinga án samþykkis almennings ?

Verður ekki aftur snúið ?

Svandís Svavarsdóttir, nú er farið fram á að þú svarir.

Hvað í málinu þoldi ekki dagsljósið ?

Hvar ertu annars ?

Hvað eru þessar silkihúfur í borgarstjórn að gera Sjálfstæðisflokknum, sem hingað til  hefur verið skýr í afstöðu sinni í flestum málum. Er Sjálfstæðisflokkurinn að breytast í Samfylkingu já eða Framsókn ?

Hingað og ekki lengra Sjálfstæðismenn. Það þarf að kjósa upp á nýtt í Reykjavíkurborg og nú þarf að vanda valið á frambjóðendum. "Já liðið " er búið að vera. Það er rúið öllu trausti almennings.

Borgarstjórnin er veik, ólæknandi sjúk og það er engin von lengur um bata eftir skelfingu gærkvöldsins.

Eða var borgarfulltrúinn að grínast ? 

59 milljónir hlutar Glitnis í eigu framkvæmdastjóra fjármála og rekstrarsviðs.

Sonur eins olíufurstans hefur lagt einn milljarð í 59 milljóna hlut í Glitni á genginu 16,9.

Flottur strákur á mynd, ef það segir þá eitthvað.

Hann keypti ekki bara einhver bréf út í loftið heldur bréf í bankanum sem hann hefur nýlega verið ráðinn til. Ráðinn til þess að stjórna (vonandi ber framkvæmdastjóri enn ábyrgð á fjármálum samkvæmt lögum) einni mikilvægustu deild bankans; hagsmunir ALLRA hluthafa bankans eru í hans höndum.

Einmitt!!

Hvort er mikilvægara að fylgjast með þegar Kristinn Þór selur bréf sín í Glitni eða kaupir meira í Glitni ?

Hvort er nauðsynlegra, fyrir aðra hluthafa í bankanum, að fylgjast með því þegar Kristinn rekur fólk úr deildinni eða ræður nýtt fólk inn ? 

Hvaðan fær Kristinn Þór vald sitt í deildinni ? Frá stjórn (þar sem hann sat áður) eða hluthöfum sem, líkt og hann sjálfur, vilja hámarka hagnað sinn og ekkert annað! 

Er hann að gæta eigin hagsmuna eða hagsmuna annarra hluthafa þegar hann selur bréfin sín ? Klúðrið í SPRON ætti að hræða fjárfesta en fólk er fljótt að gleyma.

Gætir hann hagsmuna starfsfólksins sem veit að sá sem ræður er sá sem á peningana ? Varla.

Verða ákvarðanir teknar í samráði við alla stjórn bankans, út frá hagsmunum allra hluthafa, eða á fámennum fundi á búllu í London þar sem Kaupþing og Baugur eru með skrifstofur í samkrulli, líkt og í flest öllu sem þessi fyrirtæki gera ? Á búllum þar sem Kristín Pétursdóttir, fyrrverandi starfs-stúlka Kaupþings, fann sig ekki einu sinni á, eða fékk ekki að leika með !! ( viðtal við Evu Maríu í Kastljósi)

Eða, það sem er áhugaverðast við uppstokkun á eignarhaldi í Glitni, er enn ein valdabaráttan hafinn um "Íslandsbanka" ?

Í þetta skipti, reyndar, er ekkert til þess að berjast um nema skuldir og lán til stjórnenda þrátt fyrir yfirlýsingar erlendis um góða fjárhagsstöðu. Því skulda menn þá ?

Það er í leikritinu "Banka Blekkingin" sem Kaupþingsmenn hafa alltaf sett á fót, eins og með eignarhaldinu á Búnaðarbankanaum, Byr og SPRON,  til þess að villa um fyrir markaðinum og stjórnvöldum, sem Kristinn Þór leikur hlutverk í.  

Honum, líkt og öðrum sem tóku lán til þess að vera með í "Banka Blekkingunni" , verður vonandi ekki ýtt af sviðinu á ósvífinn hátt.

Skemmst er að minnast tap einstaklinga sem tóku sér stöðu í vonlausu FL Group ævintýrinu til þess að ná völdum í Glitni en misstu svo allt sitt og meira til.

Þeim hefur tekist það vel hingað til Kaupþing/Baugs mönnum að fá til sín leppa.

Bankaviðskipti snúa ekki lengur um viðskipti heldur hvaða drengur er tilbúinn að lána kennitöluna sína fyrir milljarðinum sem án efa fékkst að láni hjá Kaupþingi/Glitni/Byr/ SPRON til þess svo að kaupa bréf í fyrirætkinu sem lánaði.....þreytandi maður!

Starfsfólk fjármála og rekstrarsviðs Glitnis mætir örugglega á réttum tíma í vinnuna og viðrar varla skoðanir sínar á rekstri bankans þegar framkvæmdastjórinn hampar milljarða eign sinni. 

Sjálf hef ég fundið mér duglegasta bankamann allra tíma í Glitni. Mann sem gerir hlutina á ljóshraða, blaðrar ekki um ónauðsynlega hluti og er alltaf á sínum bási.

Ég segi ekki nokkrum manni hvað hann heitir því þeir væru ekki lengi að gleypa hann "hákarlarnir" og skemma hann fyrir mér.

(Ég reyndi að opna debetreikning í Landsbankanum fyrir fyrirtækið mitt en var hafnað. Gjaldþrota einstaklingar fá lífstíðardóm í Landsbanka Íslands, nema þá þeir sem eiga bankann!!)

Mæli með hnetum "nuts"!! . Offramboð er á þeim þessa dagana.

Þær eru vinsælar meðal stjórnenda/eigenda Kaupþings/Glitnis og hækka í verði innan tíðar.

Veit einhver hvað þeir eiga ? Viðtalið við Kristínu Pétursdóttur hjá Evu Maríu!!

Bréfin í fyrirtækjunum sem bankarnir hafa keypt á yfirverði og með hávaxtalánum hafa verið metin og verðlögð af þeim sjálfum. Þeir hafa langa sögu af því að blekkja minni hluthafa með ársreikningum og yfirlýsingum.

Ekki er fótur fyrir verðmati forstjóra og "bónusráðgjafanna" í bönkunum á eignum fyrirtækjanna út frá venjulegum reikningsreglum um eignir/ skuldir, ársveltu, afskriftum, hvað þá ef gerð eru hefðbundin reikningsgildi út frá væntanlegri arðsemi fyrirtækjanna. 

Eigið fé bankanna er blekkingin ein ef marka má stöðuna á litlum gjaldeyrsforða þeirra þar sem um 80% rekstrarins er sagður í erlendri mynnt!!

Skýringin gengur ekki upp.

Kaupþing hefur séð um öll útboð Baugs á félögum inn í Kauphöllina. Ekki í einu tilfelli hefur greiningin og verðmiðinn á þeim félögum staðist skoðun. Það er áhugavert að rifja upp umsagnir Kaupþingsmanna á félögum tengdum Exista og Baugi.

Væntingar og loforð, allt byggt á blekkingum.

Ekkert félaganna í Kauphöllinni sem þessir aðilar hafa verðlagt hefur staðist verðmatið.Hvernig eru því eignir bankanna reiknaðar ?

Málið er einfelt, hjá Kaupþingi og í Glitni eru það sömu gaurarnir sem setja verðmiða á bréfin og eiga auk þess stærstan hluta þeirra. Þess vegna er ekkert að marka eignir bankanna frekar en eignir einstakra fyrirtækja sem bankarnir byggja afkomu sína á.

Lífeyrissjóðirnir, sem Kaupþing mest allra bankanna nýtur góðs af, eru líka of hátt verðmetnir út frá eignasafni þeirra í bönkunum.

Af hverju ?

Jú það þurfti að veðsetja þá til þess að fá meira lán. Spurningin er því þessi hvaða hag hafa stjórnendur lífeyrissjóðanna á því því að Kaupþing verðmeti bréfin sem sjóðirnir hafa fjárfest í ? Sitja stjórnendur lífeyrissjóða við sama hringborð og Sigurður Einarsson og Hreiðar Már ? Borðið þar sem verðmiðinn er settur á allt Ísland ? Hafa þeir persónulegan hag af því að taka þátt í þessu leikriti bankans ?

Mæli með viðtalinu við Kristínu Pétursdóttur hjá Evu Maríu á sunnudagskvöldið.

Spurningin eftir viðtalið er þessi: hvernig gastu leikið í þessu leikriti svona lengi ?

Þú fékkst ekki einu sinni að vera með á sviðinu á stundum þar sem ákvarðanirnar voru teknar.

Talaðu meira stelpa, segðu söguna alla! Hvert var sviðið sem þér var bannað að stíga inná og af hverju?

Þetta er áskorun frá okkur hinum, til þín Kristín Pétursdóttir, konunum sem viljum inn á sviðið en á okkar fosendum. 

Umfang fjármálakerfisins hefur vaxið hratt

Borðsiðir fátækra auðmanna og Útflutningsráð.

Fáránleikinn tekur á sig ýmsar myndir þessa dagana í þrengingum spilltra götustráka.

Þeir róa lífróður og bera við ýmsum fáránlegum hugdettum hálaunaðra PR manna sinna um ástæður þess að þeir neyðast að selja, veðsetja, endurfjármagna, afskrifa, fela, blekkja og ljúga um áður auglýsta nýsköpun þeirra og undur; hið "íslenska fjármálaundur". Aðalleikararnir neyðast í réttarsal til þess að svara til um mögulegt falsað uppgjör til Kauphallarinnar.

Samt talar hálf heilaþveginn almenningurinn og forkólfar Samfylkingarinnar um góðu mennina sem færa þeim ódýrt kjötfars! Það dýrast og óætasta í Evrópu. Aldrei er talað um aðkomu sömu aðila að flestum fyrirtækjum í þessu blessaða landi hvað þá að  bönkum og illa igrundaðri útrás. Og enginn þorir að gagnrýna þessa drengi varðandi geggjaða lánagleði þeirra út um allan heim.

Skuldastaða bankanna og þjóðarbúsins er ekki Seðlabankanum að kenna. Hvern á að hengja eina ferðina enn og almenningur tekur þátt í því ? Jú Davíð Oddsson!! Ímyndaðan höfuðandstæðing Baugsmanna, Kaupþings enda um eina og sömu skulda-blokkina að ræða þar.

Útflutningsráð grípur heldur betur inní ímynda-varnir drengjanna okkar í útlöndum og setur á fót námskeið með Bergþóri Pálssyni í bættum borðsiðum. Bergþór vill kenna þeim að bera virðingu fyrir öðrum, segir hann.

Virðing er ekki kennd hún er áunnin. Það er vissulega hægt, í eigin fjölmiðlum, að blekkja fólk um tíma en svo að lokum flýtur allur skítur. Fólk sem blekkir og heimfærir glæpi sína upp á aðra endar eins og sagan kennir okkur með sósuna í andlitinu. 

Er Útflutningsráð ekki að vaða vonlausan marvaðann ?

Sjálf hef ég setið til borðs með útrásardrengjunum og Guð einn veit það er of seint að kenna þeim mannasiði hvað þá borðsiði.

Siðleysi heitir það að blekkja almenning, ríkisstjórn og fjölmiðlafólk og á það "skítlega eðli"  ætti Útflutningsráð að leggja áherslu  í viðleitni sinni að gera eitthvað fyrir þjóðina á erfiðum tímum.

Bergþór þarf að varast að smitast af ósiðunum eins og margur grandvar Íslendingurinn hefur gert.

Mæli með grein Ragnars Önundarsonar í Mogganum (bls 24) í dag og því að Ingibjörg Sólrún og Geir Haarde sættist við Moggann! Hann lýgur ekki.