Eru fjármálafyrirtækin að rassskella eldri konur ? Ofan á allt annað bull í ykkur strákar !!!

Ég las það á Eyjunni að Byr og Glitnir sem og önnur fyrirtæki séu að segja upp eldri konum, konum yfir fimmtugt.

Getur þetta bara verið ?

Nú þurfa fjölmiðlar að birta myndir af þessum eftirlýstu forstjórum sem þetta gera. Hvað heita þeir ? Hvar ala þeir manninn ?

Konur hingað og ekki lengra !

Látið í ykkur heyra núna. Það er ekkert að skammast sín fyrir að eldast en það er verra að þora ekki að rísa upp og segja þessum gosum stríð á hendur.

Þeir hafa fengið að sukka nægilega lengir án þess að standa skil gjörða sinna og nú þurfa þeir að standa skil orða sinna.

Eruð þið reknar eða ekki stelpur ? Ég vona að þessi frétt sé röng á Eyjunni.

Ég þekki hóp kvenna sem sagt var upp hjá Flugleiðahótelum fyrir 10 árum, eftir áratuga starf hjá félaginu. Þær brotlentu margar og sú brotlending var og er afdrifarík fyrir þær, börnin þeirra og allt samfélagið.

Kvenfyrirlitningunni var hinsvegar ekki sjónvarpað þá frekar en nú .

Konurnar misstu trú á lífið og misstu allt sem þær áttu, sumar. Þær þora samt ekki að segja sína sögu. Jafnvel sögur um hvernig forstjórar félagsins klipu þær í rassinn og káfuðu á brjóstum þeirra þegar þær færðu þeim kaffið. Konur sem voru sennilega upphaflega ráðnar út á útlitið en unnu eins og þrælar fyrir nánast ekkert kaup. Þorðu ekki að kæra áreitið.

Valdbeiting ungforstjóranna á eldri konum verður ekki liðin lengur, henni á að sjónvarpa. 

Fjölmiðlaímynd þeirra er það eina sem þeir óttast, aularnir.

Konur áfram! Talið þó ekki væri nema í minningu Bríetar. 

Fundur á

Sjáumst á Manni Lifandi í Borgartúni á morgun kl. 17.00 -18.00.

Ég veiti ráð um nauðsynleg steinefni og vítamín til þess að losa út fituleysanlegu eiturefnin sem safnast í líkamanum og valda verkjum.

Fyrirlestur um detox fyrir alla þá sem trúa því að líkaminn sé ekki mjög svo hentug rotþró.

Velkomin!!

Fitnar íslenska þjóðin hraðast ?

Hvað er að heyra, erum við að missa tökin á lífi okkar. Borðum mest, drekkum mest, borgum hæstu skattana, verslum mest, skuldum mest.

Ja hver andsk.

Það hættulegast í heimi er heimska. Vonandi hefur Sigurður Einarsson í Kaupþingi rétt fyrir sér. Fjölmiðlamenn eru tómir asnar og allar þessar upplýsingar um Ísland eru þvæla eða svo vitnað sé í Jón Ásgeir þegar hann svaraði Villa um FL group. Maður á ekki að trúa Gróu á Leiti.

.."helmingur sjúklinga með sveppasýkingu deyr".....Rannsís blaðið bls. 8

"Alvarlegum sveppasýkingum fjölgar á Íslandi"!! Sveppirnir mynda þræði sem vaxa inn í líffærin og skemma þau með tímanum. Þetta á við alla Candidasveppi og talið er að nútímafólk sé löðrandi af slíkum lífsstíls/læknismeðferða óáru.

Sveppirnir þrífast á sykri og þegar ónæmiskerfið veikist eða verður veikt vinnur það ekki bug á ófétinu. Því er sterkt ónæmiskerfi undirstaða þess að losna við óvelkomna sveppi.

Í frábæru Rannís blaði sem fylgir Mogganum í dag kemur fram að í rannsókn Lenu Rósar Ásmundardóttur hefur það fengið staðfest að aukin tíðni sveppasýkingar í hinum vestræna heimi er staðreynd. Í greininni er hinsvegar verið að beina spjótum að meðferð sjúklinga, lífslíkum og fæðingu fyrirbura sem lifa, notkun plast-æðaleggja og fleira. Ekki er farið inn á þann þátt sem við í detoxgeiranum og náttúrulækningum viljum setja sem höfuð andstæðing heilbrigðis, það er unninn sykur.

Þrátt fyrir að Gersveppir séu hluti af eðlilegri flóru í meltingarvegi er röskun á þessari flóru vegna sýkinga einfaldlega  lífshættuleg svo hættuleg að blóðið og ýmis líffæri sýkjast.

Ég hvet fólk til þess að lesa um þetta doktorsverkefni Lenu á bls. 8 í Rannís blaðinu.

Sérstaklega fólk sem á börn og er að ala börnin sín mikið á hvítum sykri.

Það er þannig með líkamsstarfsemina að sjaldan er ein báran stök.

Heilbrigði barna er mér hugleikið því Candida gersveppir hafa gríðarlega slæm áhrif á öll börn og með sykurátinu er verið að ala á slíkum óþvera.

Viljum við það ?

Með detoxmeðferð í tvær vikur hreinsum við óvelkomna gersveppi þar sem fæðan sem þeir elska, líkt og Karíus og Baktus, er ekki til staðar. Það er hægt að taka börn af sykri án þess að þau hljóti skaða af.

Greinin sýnir að nýgengi "sjúkdómsins"  frá 1994 hefur aukist mikið og þó rannsókn Lenu beinist að sýkingu á sjúkrahúsum teljum við sem vinnum óhefðbundið að  hún sýni ýmislegt mjög merkilegt umfram það.

Í sundi hitti ég konu...

Í sundi hitti ég konu sem er líkt og ég, ómöguleg ef hún mætir ekki á hverjum degi í laugina.

Þar sem ég er að reyna að ná mér eftir slys á öxlinni finnst mér nauðsynlegt að vera í heitu vatni, teygja á og vinna við sársaukamörkin.

Það er með ólíkindum hvað verkur í einni lítill öxl getur truflað mann. Hann bara fer ekki!!

Mig langar ekki í aðgerð og ætla að reyna allt áður. Sundið hjálpar mér svo sannarlega og í dag þegar sólin skein fannst mér Vesturbæjarlaugin umvefja mig í sárum mínum. Þessi litla fallega gamaldags laug þar sem ég hitti alltaf sama fólkið á sama tímanum.

Ég skil fólk sem er með stöðuga verki, það er ömurlegt að líða þannig!!

En auðvitað læknast þetta eins og annað. 

Bull er þetta!

Hvaða bull er þetta eiginlega ? Alkóhól er það toxíska (eiturefni) efni sem frásogast hraðast frá maga inn í blóðrásina. Það reynir að komast út úr líkamanum hratt því ekkert í umhverfi fruma sameinast þessu eitri sem alkóhólið er.

Það er greinilegt að Svíar eru eitthvað að afvegaleiðast í heilsueflingu sinni.

Hvorki ófrískar konur né konur með barn á brjósti eiga að neyta áfengis samkvæmt detoxfræðunum. Reyndar enginn því alkóhól myndar eiturástand sem veldur varanlegum skaða á ákveðin líffæri. 

Í lagi að drekka vín með barn á brjósti

Eruð þið að selja mannamat ? Meðvituð um hollustu ?

Ertu að borða mannamat ?

Uppúr hverju eru frönsku kartöflurnar sem þú ert að borða steiktar ? Fitu sem líkaminn þinn ræður við að melta eða fitu sem skapar toxískt ástand í frumum. Ástand sem misbýður líffærunum og getur orsakað alvarlega lífsstílssjúkdóma.

Það eru breyttir tímar í matvælaframleiðslu. Það er verið að framleiða mat eins ódýrt og unnt er, af eins miklum hraða og unnt er.

Það spyrja fáir hvort verið er að fæða fólk eða búa til skordýraeitur.

Gott er að spyrja eigendur skyndimatsölustaða þeirrar spurningar ?

Eruð þið að selja mannamat eða skordýraeitur ?

Þegar ungar konur deyja svona...

Með miklum trega las ég minningargrein í Morgunblaðinu í dag um unga konu sem er látin. Fyrrverandi sambýlismaður hennar og barnsfaðir skrifaði greinina. Hann talaði um svarta hrafna sem lögðu líf hennar í rúst í æsku.

Það var ekki aftur snúið.

Hún gat ekki gleymt, ekki fyrirgefið, ekki haldið áfram.

Einhver,augljóslega, hafði svifyrt saklaust barnið.

Tárin dugðu ekki til, svo mikið fann ég til með þessari konu.

Ég hvet alla dómara til þess að lesa þessa grein áður en þeir dæma menn fyrir kynferðislegt ofbeldi á konum. Eða væri nær að greina þessa menn strax í bernsku og reyna að hjálpa þeim. Fangelsi gera svo sem aldrei nokkurn mann betri eða hvað ?

Fallegri minningagrein, fyrrum sambýlismanns, er ekki til.

Guð blessi þetta fólk allt og gefi að við mannfólkið finnum leiðir til þess að stöðva þann illa sjúkdóm sem þeir þjást af sem meiða börn.

Finnum samt fyrst og fremst leiðir til þess að styrkja Stigamót til þess að halda áfram og af meiri krafti utan um þessar konur. 

Sonur minn og Omega eggin frá Vallá. Fullt hús matar.

Oftast get ég grátið af gleði yfir krökkunum mínum. Þau eru bara frábærir einstaklingar öll þrjú.

Það hefur hinsvegar verið í mínum verkahring að kaupa í matinn en nú hef ég ákveðið að koma smá neytendavitund inn í höfuðið á yngri syni mínum, sem oft heldur að peningarnir vaxi í hrúgunni af fötunum sem hann setur á stólinn í herberginu sínu. (latir foreldrar taka upp fötin sjálfir, því það tekur minna á en stöðugar ræður um tiltekt ).

Ég sendi hann í Bónus með 5000 kr og sagði honum að versla það sem hann langaði að borða meðan ég er á Akureyri um helgina.

Sonur minn er heilsufrík en það að hann hafi haft vit á því, sjálfur, að kaupa Omega eggin frá Vallá gladdi mig mikið.

Ómega 3, E vítamín, minna kólersterol auk þess sem hænurnar fá að ganga villtar út í náttúrunni er þess virði að greiða meira fyrir þau.Þó svo að eggjapakkinn hefði kostað 5000 kallinn allan hefði mér verið sama. Ég hefði í það minnsta farið róleg norður því eggin ein og sér duga honum yfir helgina út frá næringarfræðinni einni sér.Fullt hús matar!

Hann veit hvað hann syngur strákurinn minn nú þarf ég bara að kenna honum að brjóta saman fötin sín á kvöldin..... 

Gigtsjúkdóma-blaðið. Detoxmeðferðir "lækna " gigtsjúkdóma.

Það tók mig langan tíma að lesa og skilgreina Gigtarblaðið sem fylgdi 24 Stundum í dag.

Þetta er gott blað og nauðsynleg lesning fyrir okkur sem höfum þjáðst af gigt og þá sér í lagi okkur sem vinnum mikið með gigtarsjúklingum.

Þessi "ólæknandi" sjúkdómur, eða eins og hann er skilgreindur af flestum, sem meðhöndla fólk með gigt, er nefnilega "læknanlegur". Fólk þarf hinsvegar að leggja hart að sér að lækna hann.

Sú lækning felur hinsvegar í sér eitt orð Lífsstíll!

Það má ekki vanmeta lífsstíl sem lækningu og langt frá því að það sé gert í blaðinu. En góðu fréttirnar eru þessar. Fólk læknar sig sjálft af gigt.Vöðvagigt er kynbundin sjúkdómur 8 af 10 sjúklingum eru konur!! Í blaðinu er farið inn á mögulega orsök út frá breytingaaldri. Það finnst mér merkileg tilgáta og enn og aftur komum við að sömu lækningunni. Breytingaaldurseinkenninn má líka lækna án lyfja með lífsstíl.En hvað er það með þennan helvítis lífsstíl.

Getum við ekki bara borðað hollt, hreyft okkur reglulega og látið sem við séum vélar.

Það er nefnilega mergur málsins. Við erum ekki vélmenni. Sérstaklega eru konur ekki vélmenni. Margir karlmenn virðast vera vélmenni en vonandi leynist kvika þar undir.Fyrirlestrarnir mínir fjalla mikið um gigt og áhrif detoxmeðferðarinnar á gigtsjúkdóma eða ástand eins og pólsku læknarnir kalla vefja/vöðvagigt t.d.

(Ég hef boðið Gigtarfélaginu að koma ókeypis og fræða sjúklingana um pólsku leiðina, þá sem ég læknaðist á, en þeir hafa enn ekki þegið það. Asnalega stólpípuumræða Íslendinga hefur sennilega fælt fólkið hjá Gigtarfélaginu frá.)

Ég benda gigtarsjúklingum á að mæta á fyrirlestranna mína þar sem mikið er rætt um bólgusjúkdóma:

Akureyri 9. mars í Háskólanum (Sólborg ) kl. 16.00-18.00

Ísafirði 13. mars í Menntaskólanum kl. 20.00-22.00

Reykjavík 14. mars í Manni Lifandi Borgartúni kl. 17.00-18.00

Ég gef öllum matarplan til þess að losna alfarið við gigtina t.d.

Mikið gætum við sparað í heilbrigðisþjónustunni ef sérfræðingar væru opnari fyrir nýjungum sem, þó reyndar, eru aldargamlar.

En svona er þetta bara, allir svo hræddir um sitt.

Gigtarblaðið er mjög gott og ég hvet fólk til þess að lesa það vel og vandlega en um leið vera gagnrýnið. Lyf eru vond lausn við verkjum. Reynið allt annað fyrst.

Fer í sund núna!! Það er ömurlegt að þjást af gigt. Aldrei meri aldrei meir!!