Hann baðst afsökunar ! Forsetinn !

Það er nú sárabót.

Athugasemdir

[Viðar Eggertsson, 1.1.2009 kl. 17:10]

Hver baðst afsökunar? Segðu tíðindin kona, get ekki beðið. Hver baðst afsökunar?

[Jónína Benediktsdóttir, 1.1.2009 kl. 18:25]

Forsetinn !

[Viðar Eggertsson, 1.1.2009 kl. 18:54]

OK!

fínt að þú ert búin að bæta "Forsetinn" við fyrirsögnina, Áður var hún í véfréttarstíl þegar það kom ekki fram hver það var sem baðst afsökunar.

Annars væri gaman ef fleiri bæðust afsökunar. Ég skal byrja. Ég biðst afsökunar ! Viðar !

[Einar Áskelsson (IP-tala skráð) 1.1.2009 kl. 19:27]

Mér fannst þetta gott hjá honum.  Hann gerði það einnig óbeint í þætti Ingva Hrafns um daginn.  Hann iðrast og sýnir manneskjulega hlið á sér.  Sem hann er svo ekki beint þekktur fyrir blessaður.  Geir er ekki kominn svona langt á þroskabrautinni, segist þó hugsa um þetta á hverjum degi.

[Einar Áskelsson (IP-tala skráð) 1.1.2009 kl. 19:28]

Og gleðilegt nýtt ár Jónína.  Vonandi verður umræðan á sama tíma að ári um eitthvað annað.

[Skarfurinn, 1.1.2009 kl. 19:38]

Að segja að sér þyki eitthvað leitt, er það sama og biðjast afsökunar ? hann sagði það ekki berum orðum, en er samt mannlegri en Geir Haarde sem enn þrjóskast við og sagði ef mér hefur orðið á þykir mér  það miður, í hvorugi tilviki þykir mér um afsökun að ræða, ef maður ætlar að biðjast fyrirgefningar segir maður það berum orðum.

[Heidi Strand, 1.1.2009 kl. 19:50]

Góð ræða hjá Ólaf.
Gleðilegt ár!

[Eiður Svanberg Guðnason, 1.1.2009 kl. 20:10]

Ávarp Haraldar Noregskonungs  til landa sinna í gærkveldi var betra, það var  einlægt og gott. Það sem hann sagði kom frá hjartanu. Eftir situr  það sem hann sagði um þá  sem minnst  mega sín, -  þar er oft að  finna sterkasta fólkið. 

Eiður

[Ástþór Magnússon Wium, 1.1.2009 kl. 21:07]

Nei hann baðst ekki afsökunar. Ég prentaði út ræðuna og þar er enginn beðinn afsökunar. Hann fer eins og köttur í kringum heitan graut en...

Hanastél og svívirt þjóð

Það vantar botninn í áramótaávarp forseta Íslands, eða skrumvarp Ólafs Ragnars Grímssonar til vanvirtar þjóðar sinnar eins og nær er að kalla þessa endemis ræðu hans á nýársdag árið 2009. 

Eftir að hafa sjálfur traðkað á lýðræðinu við forsetakjör að sovéskri fyrirmynd með aðstoð stuðningsmanna sinna og misnotkun fjölmiðla, galar fagurkerinn nú eins og hanastél af hæsta fílabeinsturninum um að leiða sína svívirtu þjóð til lýðræðislegrar uppreisnar.

Forsetaómyndin fer rétt með að almenningur krefst reikningsskila eftir nýjum siðferðisgrunni sem byggir á gagnsæi og ábyrgð, trausti, heiðarleika og trúnaði.  En því miður, slíkar dyggðir er ekki að finna í þeirri svínastíu sem hefur í dag hreiðrað um sig á Bessastöðum.  

Þjóðin vill ekki leiðtoga sem liggja eins og blindir grísir á spena gyltunnar. Þjóðarátak til sóknar eins grísinn á Bessastöðum kallar það, getur aldrei með Ólaf Ragnar Grímsson og demantsdrotninguna í forsæti orðið annað en endurtekning á skríplegri uppfærslu Hart í bak. 

Óheiðarleiki Ólafs Ragnars afhjúpaðist þjóðinni í hans fyrsta embættisverki forseta. Matthías Jóhannessen fjallaði um þetta í dagbók sinni 28. ágúst 1996: Vaknaði í morgun við það að ég var að yrkja lítið erindi fyrir munn ÓRGs sem margir nefna Óla grís í mín eyru og skiptir þá ekki máli hvort hann er orðinn forseti eða ekki. Íslendingar taka ekkert tillit til þess sín á milli, en liggja svo flatir fyrir sínum herra opinberlega. Ólafur veitti flotaforingja Bandaríkjanna fálkaorðuna um daginn og það þótti mörgum ótrúleg kaldhæðni guðanna. En vísan er svona:

Oss tókst að lokum að líta til stórra verka
sem létu bezt kempum eins og Agli sterka,
að hengja fálkaorðu á aðmírálinn
og útkljá þannig deilur um varnarmálin. 

Dómgreindarleysið í forsetastól Íslendinga er með slíkum eindæmum að frá Bessastöðum var stórasta fjársvikamylla mannkynssögunnar boðuð af litlasta forseta heims eins og heilagt Guðspjall um nýjan og betri kapitalisma.

Hafa ber í huga að þeir sem verma nú þjóðarheimilið á Bessastöðum er háskólagenginn stjórnmálafræðingur, áður fjármálaráðherra landsins, ásamt demantsdrottningu sinni sem er einn stærsti fjárfestir og skartgripasali heims. Dóttir forsetans vermir síðan einn af þremur stjórnarstólum Baugsfyrirtækisins Hagar sem er stærsta smásölufyrirtæki Íslendinga.

Skrum forsetans verður enn annarlega, og stuðningurinn við stærstu Ponzi fjársvikamyllu sögunnar enn óhugnarlegri, í ljósi þess að forsetinn og hans fólk má heita sérfræðingar í viðskiptum.

Það hlýtur að vera heimsmet að forseti sem hefur lítisvirt þjóð sína með þessum hætti, sitji áfram í embætti eins og ekkert hafi í skorist. Fordæmi fyrir slíku finnast varla nema hjá Mugabe lýðræðisböðlinum í Zimbabwe.

Það vantar botninn í ræðu forsetans, sem hefði að sjálfsögðu átt að vera afsögn og einlæg afsökunarbeiðni. Forsetinn fór eins og köttur um heitan graut hvernig hann gekk of langt en bað engan afsökunar á því að hafa svívirt þjóð sína. Útilokað er að Íslendingar verði teknir alvarlega á alþjóðavettvangi með svo spillta atvinnupólitíkusa í æðstu embættum eins og raun ber vitni.

Sjá einnig:

Forsetinn Ponzi Íslendingur ársins

Leppur forsetahjónanna?

Dorrit, ætlar þú að sitja aðgerðarlaus á meðan landsmenn þínir myrða þetta fólk?

Bók um forseta prýdd stolnum fjöðrum?

[Einar Áskelsson (IP-tala skráð) 1.1.2009 kl. 21:15]

Ég biðst afsökunar á því að halda að hann hafi beðist afsökunar. Hann nefndi kannski ekki "gullna orðið" en að mínu mati var meiningin sú sama.  Ólafur Ragnar var blekktur eins og við öll.  Hann er að viðurkenna það.  Mér finnst hann meiri maður fyrir vikið og þarf ekki að segja af sér.  Hefur unnið okkar landi í t.a.m. vísindum, listum og viðskiptum gríðarlegt gagn.  En margir kjósa bara að horfa á það neikvæða. 

[Sverrir Stormsker, 2.1.2009 kl. 00:48]

Tek undir með síðasta ræðumanni: Ólafur Ragnar hefur unnið landi og þjóð "gríðarlegt gagn í viðskiptum."

Án hans hjálpar værum við eflaust í vondum málum. 

[Gunnlaugur B Ólafsson, 2.1.2009 kl. 01:03]

Er Ástþór Magnússon í maníu? Ég bara spyr því mér finnst dapurlegt að sjá mann sem að endurtekið hefur verið hafnað lýðræðislegum kosningum ganga fram með slíku offorsi. Ég man ekki eftir neinu hnjóðsyrði frá Ólafi Ragnari til Ástþórs í forsetakosningum. Hann verður því að slaka aðeins á með þessa framkomu. Hann hafði öll tækifæri til að kynna sig og eftir því sem að hann bauð sig oftar fram fór fylgið minnkandi. Slíkt kallar fyrst og fremst á sjálfskoðun. Mbk, G

[Jónína Benediktsdóttir, 2.1.2009 kl. 10:35]

Við höfum ekki efni á því að fyrirgefa ekki forsetanum. En við viljum líka sjá 360 gráða viðsnúning í viðhorfum hans.

Það liggur við að hefjast handa, láta rannsóknaraðilana góðu um að rannsaka hrunið en við hin sem frísk erum þurfum að hjúkra lömuðu samfélagi.

Það hafa allir sínar góðu hliðar og Ólafur líka. Dorrit hefur alla tíð gagnrýnt bankana hér, þó ekki opinberlega. Ég veit það því við erum vinkonur. Hún á ekki skilið nokkra gagnrýni í þessu máli og getur hjálpað þessari þjóð mikið. Leitum til hennar. Hún veit að vinna þarf fyrir peningum.