Mjólkurauglýsingarnar skelfilegu. Lifir ljóta fólkið í auglýsingunni lengur ?

Hvað finnst fólki um mjólkurauglýsingarnar ?

Lýðheilsustöð á að kæra svona einhliða áróður.

"Þeir sem drekka mjólk fitna síður"

"Ljótt fólk drekkur ekki mjólk" 

Hver komst að þessum niðurstöðum og hvað fékk hann í laun ?

Er hægt að bjóða Íslendingum upp á hvaða bull sem er þegar heilsan er annars vegar ?

Kálfar drekka mjólk og ungabörn móðurmjólk.

Það er eðli náttúrunnar!

Mitt ráð til fullorðinna er að drekka ekki mjólk og neyta ekki mjólkurmatar nema þá í eins upprunalegu formi og til er. Rjómi (ekki fituskertur), smjör, hreint skyr, hrein jógúrt, nýmjólk, feitir ostar til hátíðarbrigða er eitthvað sem efnaskiptakerfi líkamans gæti ráðið við. Sykurinn í mjólkurvörum og geymsluþolefni og matreiðsla G vara er krabbameinsvaldandi, veldur ofvirkni og athyglisbresti, kemur í veg fyrir eðlilega meltingu og skemmir ristilinn. 

Auglýsingarnar um mjólkina eru þær verstu sem komið hafa í íslensku sjónvarpi að mínu mati. Fyrir utan að ég hef aldrei séð svona ljótt og óheilbrigt fólk á Íslandi!

Athugasemdir

[Jónína Benediktsdóttir, 26.2.2008 kl. 11:10]

Þetta er svo skelfilega illa ígrunduð auglýsing. Takk Þóra!

[G Antonia, 26.2.2008 kl. 12:31]

Frábær bloggsíða Jónína mín Ben  "ottesen" . Það veitir ekki af að minna okkur á heilsuna og eða fá góð ráð á hverjum degi.!!!!!...flott að geta bætt þessari síðu við blogghringinn minn, sem ég kíki á reglulega hvern dag.. takk **

Það er enginn svikinn sem les heilsuráð frá þér vinkona, þú hefur ekki bara hjálpað mér, heldur hundruðum manna amk. Takk fyrir að vera til!!!!!

Fallegar myndir líka !!
Haltu áfram hér, hlakka til að fylgjast með ......

[Jónína Benediktsdóttir, 26.2.2008 kl. 13:29]

Takk Guðbjörg mín. Já ég fjölga myndum af og til.

Sjáumst í Póllandi 29. mars.

[Arnar Hafsteinsson (IP-tala skráð) 26.2.2008 kl. 16:05]

Þetta eru stór orð Jónína! "Sykurinn í mjólkurvörum og geymsluþolefni og matreiðsla G vara er krabbameinsvaldandi, veldur ofvirkni og athyglisbresti, kemur í veg fyrir eðlilega meltingu og skemmir ristilinn."Leyfðu mér einnig að koma með staðhæfingu! "Stólpípa eyðileggur eðlilega starfsemi ristilsins!"Nefni þetta bara hér þar sem þú ert í sölumennsku á Detox meðferð í Póllandi og ein af "lækningaaðferðunum" er að hreinsa út ristilinn, þó svo að það sé ekki "eðli náttúrunnar"  eins og þú orðar það, að hreinsa hann með hjálp utan frá.Hef ekki enn rekist á rítrýnda grein sem bendir á skaðsemi mjólkur og sykurs á ristlinum. Hvað þá að sykur valdi ofvirkni!  En vissulega geta slíkar fullyrðingar hjálpað þér að selja ferðir til Póllands þar sem fólk umbyltir öllum neysluvenjum sínum í 2 vikur og kemur endurnært til baka.Verst að þú skulir ekki útskýra það einnig fyrir fólki að með því að skola út ristilinn, er verið að hreinsa út náttúrulega bakteríuflóru hans og fylla hann af vökva sem enn frekar truflar eðlilega starfsemi hans. Mannstu úr lífeðlisfræðinni hvert hlutverk ristilsins er í meltingunni?  Ég skal aðeins fríska upp minnið! Í ristlinum á sér upptaka vökva úr fæðu og niðurbrot ýmissa næringarefna, s.s vítamína og steinefna. Sú starfsemi á sér stað með hjálp baktería sem eru þar af náttúrulegum ástæðum. Einnig á sér stað framleiðsla K-vítamíns í ristli. Umhverfi ristilsins er kannski ekki fallegt eða hreinlegt með öllu sínu slími og bakteríum (enda er okkur ekkert ætlað að kíkja þar inn) en trúðu mér, það er ástæða fyrir því þarna og stólpípan þín spillir þessu jafnvægi sem þar er.  Mjólk fer þarna í gegn án þess að skemma slímhjúpinn, trufla bakteríustarfsemina og sannarlega særir ekki endaþarminn eða veggi ristilsins á leið sinni út eins og síendurtekinn stólpípumeðferð getur gert !Náttúran hefur séð um þessa hreinsun fyrir okkur í gegn um aldirnar.  Einnig má benda á að maðurinn er alæta og hefur komið sér á topp fæðukeðjunnar með því að vera aðlögunarhæfur og ósérhæfður.  Hann hafði vit á að bæta dýramjólk í fæðuflóru sína og þannig án efa styrkt afkomu sína á hér á jörðu.Hvort er náttúrulegra að halda áfram neyslu mjólkur eftir að á fullorðinsárin er komið eða að setja slöngu upp í endaþarm (sem er reyndar einstefna)  og fylla ristilinn af vökva til þess eins að tæma hann tímabundið?  Því jú, þetta er víst eina leiðin fyrir fæðuna sem við neytum til að yfirgefa líkamann og mun fæðan safnast þar fyrir aftur og aftur og aftur.... 

[Jónína Benediktsdóttir, 26.2.2008 kl. 21:03]

Þú veist ekkert um hvað þú ert að tala varðandi meðferðir í ristli. Þetta er allt rangt sem þú talar um varðandi meðferðina í Póllandi. Fyrir það fyrsta þá er þetta ekki stólpípa og í öðru lagi þá er maðurinn ekki alæta! En fleiri hafa fengið lækningu meina sinna í meðferðinni en ég get talið upp. Dugar það ekki ?

[Arnar Hafsteinsson (IP-tala skráð) 26.2.2008 kl. 23:51]

Gaman að þú skulir svara á svo málefnalegan hátt.  Ég átti reyndar von á að þú segðir eitthvað eins og  "Þú veist ekkert um hvað þú ert að tala...."  Ég skal viðurkenna að líklega er réttara að nota heitið "ristilhreinsun" þar sem jú það mun vera þín aðferð við að skola út úr ristlinum en ekki þar með sagt að það sé eitthvað skárra. 

Hvernig getur þú fullyrt að ég viti ekkert um meðferðir í ristli?  Þó svo að þú seljir grandalausu fólki þá hugmynd að þetta lækni: offitu, þunglyndi, síþreytu, húðsjúkdóma og KRABBAMEIN, þá gerir það þig ekki að sérfræðing í meðferðum á ristli.  Ég held að við ættum að láta meltingarsérfræðingana um að bera þann titil.

Ef þú ætlar að fara að þræta við mig um hvort maðurinn sé alæta eða ekki, skaltu fyrst fletta upp orðinu "alæta" í alfræðiritum. 

Gæti einnig verið gagnlegt fyrir þig að kíkja á linkinn hér fyrir neðan.

http://www.visindavefur.hi.is/svar.php?id=1259

Og nei! Það að þú getir ekki talið þá upp sem þú fullyrðir að hafi fengið lækningu meina sinna í meðferðini, dugar ekki sem rök .... fyrir hverju sem þú varst svo sem að reyna að færa rök fyrir.

[Predikarinn - Cacoethes scribendi , 27.2.2008 kl. 04:40]

Jane Plant hélt merkilega fyrirlestra um tengsl mjólkur  og mjólkurafurða við tíðni krabbameina. Sjá :  http://www.janeplant.com/

Sjá einnig :

Um mataræði og krabbamein í blöðruhálskirtli
Þriðjudagur 30. janúar kl 17.30 - 19:00
Hjá Maður lifandi Borgartúni 24

Í Kína er tíðni krabbameins í blöðruhálskirtli og brjóstum brot af því sem gerist á Íslandi. Hefðbundið íslenskt mataræði er gerólíkt því kínverska. Skiptir það sköpum?

Fyrir rúmu ári greindist Oddur með krabbamein í blöðruhálskirtli. Meinið í kirtlinum var þá komið á miðlungs stig og jafnframt  staðbundin meinvörp. Eftir sex mánaða lyfjameðferð (hórmónagjöf) og gerbreytt mataræði (a la Jane Plant) höfðu meinvörpin gengið til baka og öll líðan Odds breyst til batnaðar. Hann hefur tekið saman upplýsingar um þetta á vef sínum:
http://www.hi.is/~oddur/info/pc/

Fyrirlesari: Oddur Benediktsson er prófessor

[Jónína Benediktsdóttir, 27.2.2008 kl. 07:09]

Já ég hlustaði á hana. Mjög áhugaverð og talar af reynslunni. Það er mikilvægt finnst mér að fólk ræði helsu út frá reynslu fyrst og fremst en rannsóknum síður. Rannsóknum er erfitt að treysta í dag með svo sterk markaðsöfl. Takk fyrir góða ábendingu. Verum í sambandi oftar.

[Jónína Benediktsdóttir, 27.2.2008 kl. 07:18]

Auðvitað áttir þú von á því þar sem augljóslega þú ert að skrumskæla aldargamlar kenningar um ristilskolun. Því svara ég þér fullum fetum. Arnar þú veist augljóslega ekkert um pólsku meðferðina í ristlinum eins og þú talar!! Ég svara þér á sama hátt og þú svarar mér. Á máli sem þú vonandi skilur þó svo að það sé mér ekkert um geð að reyna að þakka niður í fordómum þínum.

Það var nú allt of sumt sem ég var að benda þér á því mér finnst kenning þín minna um margt á fordóma minn kæri. Fólk sem er veikt vill reyna allt. Fer í taugarnar á þér að ég sé að selja þjónustu mína ? Á ég að vinna þetta í sjálfboðavinnu ? Reyndar eru margir sem borga ekkert og aðrir sem fá sponsor og enn aðrir sem borga aleiguna fyrir að reyna allt. Vandlætið er þitt en ekki mitt minn kæri og svona dylgjur eru óþolandi. Ég er að vinna þarna en ekki þú.

Ertu að halda því fram að aðeins læknar lækni ? Fólk læknar sig sjálft og stundum með aðstoð lækna eins og það gerir í Póllandi. Ég er ekki að lækna heldur eru það læknarnir sem vinna á detoxhótelinu sem lækna fólk og ristillæknirinn sem varlega hreinsar ristilinn er læknir. Vonandi þarft þú aldrei að gíma við ýmsa þá sjúkdóma sem skjólstæðingar mínir glíma við í ristli. Ég hef séð fólk sem hefur í áratugi átt við hið hefðbundna íslenska ristilkerfi upplifa allt annað eftir ristilskolun í Póllandi. Það dugar mér í það minnsta. 

[Arnar Hafsteinsson (IP-tala skráð) 27.2.2008 kl. 14:33]

Ég hef alloft heyrt þennan samanburð á Kína við aðrar þjóðir í tengslum við blöðruhálskrabbamein og hvað eina. Ýmis rök koma frá sitthvorum enda borðsins og  eins og fram kom í einni slíkri umræðu, þá er Kína ekki óskeikull mælikvarði í svona samanburði.  Kína er ekki endilega sama og Kína. Þetta stóra land sem hýsir meira en milljarð íbúa er alls ekki einsleitt og ýmis munur á menningu, matarræði, tungumáli of fleiri þáttum.  Það má eflaust finna héruð í Kína þar sem mjólkurneysla er minni en á öðrum stöðum en það er bara ekki algilt um Kína. Það er bara einhver tíska að benda í austur ef fara á að metast um hollustugildi hins eða þessa. 

 

Aldagamlar aðferðir segirðu!  Er fortíðarþráhyggjan svolítið föst í þér?  Ef þú ætlar að fara að benda mér á að Egyptar til forna hafi beitt ristilhreinsun á lýðinn, þá þykja mér það veik rök (ein vinsælustu rökin hjá aðdáendum ristilhreinsunar samt).  Egyptar til forna lokuðu líka þræla sína lifandi í grafarhýsunum.  Eigum við að taka það upp eftir þeim líka??

 

Þegar öfgafólk fer af stað í leit að upplýsingum til að bakka upp málstað sinn, er valið það sem hentar þeirra málflutning og öðru ýtt til hliðar.  Þetta er vissulega þröngsýni og í versta falli hættulegt.  Að úthrópa mjólk sem hinu versta eitri er dæmi um öfgar sem ekki er erfitt að kveða í kútinn.  Vissulega er mjólk ekki kjörfæða alls mannkyns og ofneysla á mjólk er ekki holl frekar en önnur ofneysla!  Eins er það misjafnt eftir stofnum manna hversu vel mjólkin fer í meltinguna. Til að mynda eru þjóðflokkar í Afríku og Asíu sem eiga í erfiðleikum með að melta mjólkursykur vegna skorts á laktósahvatanum Laktasa í líkamanum.  Og ég get upplýst ykkur að í raun er talið að einungis 30% mannkyns framleiði nægilega mikið af þessum hvata eftir að fullorðins aldri er náð.  Það réttlætir ekki þessa neikvæðu umræðu um mjólk hér á Íslandi því einungis um 10% norðurlandabúa hefur í raun óþol fyrir mjólkursykri. Þessi 10% ættu þó að geta neytt mjólkur með góðu móti ef laktósinn er hreinsaður úr vörunni í framleiðslu eins og farið er að gera m.a hér á landi.

 

Varðandi meinta fordóma mína í þinn garð skal ég viðurkenna að ég þekki ekki starfsemina þarna í Póllandi út í gegn.  Á hinn boginn er ábyrðgarlaust af þér að selja þessa meðferð sem lækningu gegn krabbameini og öðrum erfiðum sjúkdómum og hvað þá að gera út á þennan markað sem er samkvæmt þínum eigin orðum; „Fólk sem er veikt og vill reyna allt“.

 

Sjálfur starfa ég í líkams- og heilsuræktargeiranum og veit vel hversu auðvelt væri fyrir mig að selja töfralausnir af færibandi eða í formi einhverra „náttúrumeðferða“ eins og ég sé gerast fyrir framan nefið á mér á hverjum degi.  Ég kýs þó frekar að halda mig innan marka þekkingar minnar og vísa fólki með alvarlega kvilla annað án þess að rukka það fyrir greiðann.  Þar með er ég ekki að segja að þú megir ekki taka pening fyrir það! Þú stjórnar því  hvernig þú aflar þér tekna og fólkið ræður hvernig það ráðstafar sínu fé.   Ég hef bara mínar skoðanir (ekki fordóma) á þessu og leyfi mér að tjá þær hér þar sem þetta er jú opið vefsvæði.

 

Mér þykir miður að hafa misst af fyrirlestrinum hans Odds Prófessors.  Hefði verið gaman að fá sýn hans á þetta og geta beint fyrirspurnum beint á hann.  En Predikari!  Hvað kemur starfsheiti eða titill hans málinu við?  Hann er jú prófessor, en það er í tölvufræði.  Gerir hann ekki beint sérfræðing um blöðruhálskyrtlamein. Settirðu titilinn hans þarna til að gefa máli þínu meira vægi?

 

Og að lokum Jónína, vil ég þakka þér fyrir þá ósk þína að ég haldi heilsu og óska ég þess sama fyrir þig og þína. 

 

Kv.

Arnar

[Jónína Benediktsdóttir, 27.2.2008 kl. 15:45]

Hver eru mörk þekkingar þinnar Arnar minn ? Vissulega eiga allir að halda sér innan þeirra marka.

Ég þekki til þess hvernig þú vinnur en því miður hefur þú ekki grænan grun um meðferðina sem ég vinn við. Ekki enn

En mér finnst þú vera að gera marga góða hluti nema allt þetta prótein og steraát í líkamsræktargeiranum er að mínu viti mjög skaðlegt.

Mundu að ég er að vinna með lærðum sérfræðingum, læknum. Ekki einkaþjálfurum. 

[Arnar Hafsteinsson (IP-tala skráð) 27.2.2008 kl. 22:15]

Þú ert þó ekki að spyrja í alvöru? Ég held ég sleppi því að skilgreina þessi mörk og vill helst reyna að halda mig við umræðuefnið sem við byrjuðum með hér í upphafi, þó svo þú reynir að dreifa umræðunni út um víðan völl.  Ég sé mig samt knúinn til að svara síðustu skrifum þínum.Ekki skil ég hvernig þú veist hvernig ég vinn mína vinnu þó svo þó hafir rekist á mig í ræktinni.  Og enn síður skil ég hvernig þér dettur í hug að væna mig um steraát!  Mér gremst það verulega að vera bendlaður við lyfjamisnotkun og í ljósi atburða síðustu daga ættir þú að forðast að vera með slíkar mannorðsmeiðandi ásakanir.  Þessi skrif þín sýna svart á hvítu að þú veist minna en ekkert um mig því ef einhver einkaþjálfari hér á landi hefur þorað að opna munninn í andstöðu við lyfjamisnotkun íþróttafólks og almennings og  þá mundi það vera undirritaður.Ég ætla samt að nefna eitt. Ég er sammála þér í mörgu í pistlinum sem þú skrifaðir í dag varðandi steramisnotkun hér á landi þó svo þú sért ekkert of vel máli farin þá er innihaldið nokkuð rétt hjá þér.  Því miður er þessi fjandi að verða landlægur og ekkert virkar í forvörnum þar sem umræða um þessi mál virðist einungis hvetja til neyslu.  Ég tel að sala og notkun stera sé að aukast með hverju árinu.  Það er að minnsta kosti mín tilfinning.Hver er svo meiningin á bak við þessi orð þín að þú sért að „...vinna með lærðum sérfræðingum, læknum. Ekki einkaþjálfurum“?  Hljómar eins og þú hafir ekki mikið álit á stétt einkaþjálfara og samt ert þú að gefa þig út fyrir að vera með einkaþjálfaraskóla.  Ef þú ert að hugsa um að svara þessum skrifum mínum (líklega til að eiga síðasta orðið) þá hvet ég þig til að byrja á að biðjast afsökunar á fyrrnefndum ásökunum og helst vildi ég sjá afsökunarbeiðni hér á forsíðu bloggsíðunnar þinnar.Kv.A.H.

[Jónína Benediktsdóttir, 27.2.2008 kl. 23:19]

Ég er alls ekki að væna þig sjálfan um steraát Arnar. Svona í framhaldi af gagnrýni þinni á að kalla meðferðina lækningu þá var ég að reyna að útskýra fyrir þér að ég vinn með læknum en ekki einkaþjálfurum. Það var nú allt of sumt. Ég ber mikla virðingu fyrir einkaþjálfurum en gef mér það að þeir hafi víðan skilning á orðinu heilsurækt og enn víðari skilning á þörfum sjúklinga. Ég skal eiga síðasta orðið minn kæri og það er þetta. Gerðu ekki lítið úr vinnu annarra, hugsaðu betur um þína eigin. Þú ert örugglega með hærra tímakaup en ég.

Það eru ágæt síðustu orð er það ekki ?